Josué 19 - Tsimane

¹ Mọꞌ päräꞌyis majmadyeꞌ chị́yacdyes tŝọcsiꞌ muꞌin Simeóntyiꞌ vóshiꞌ in chat meꞌsiꞌ soꞌmacsi in mọꞌ jiꞌchetacdyeꞌ jacsiꞌ ĉụiꞌdyes muꞌin. Muꞌinsiꞌ jac shupquiꞌ mọꞌĉan jac muꞌin Judátyiꞌ vóshiꞌ in.

² Muꞌin ñuruꞌtyity Simeóntyiꞌ vóshiꞌ in meꞌchucsi ọij bäꞌyedyeꞌ in: Beerseba, Seba, Molada,

³ Hazar-sual, Bala, Ezem,

⁴ Eltolad, Betul, Horma,

⁵ Siclag, Bet-marcabot, Hazar-susa,

⁶ Bet-lebaot judyeyaꞌ Saruhén. Yiriꞌtac chibin jiyiꞌ bäꞌyedyeꞌ in judyeyaꞌ mọꞌĉan jac in.

⁷ Aín, Rimón, Eter judyeyaꞌ Asán. Vạjpedyeꞌ bäꞌyedyeꞌ in judyeyaꞌ mọꞌĉan jac in.

⁸ Judyeyaꞌ räj mọꞌin c̣hẹiꞌyaꞌmunsiꞌ bäꞌyedyeꞌ in meꞌdye Baalatbeer (yocsiꞌ tịj mọꞌ Ramat Neguevĉansiꞌ). Ọij mọꞌ jac soꞌmacsis muꞌin ñuruꞌtyity in Simeóntyiꞌ vóshiꞌ in.

⁹ Mọꞌ jac muꞌindyes Simeóntyiꞌ vóshiꞌ in jectyetacsi muꞌinsiꞌĉan jac in Judátyiꞌ vóshiꞌ in ĉaĉaij na mọꞌ jac muꞌindyes Judátyiꞌ vóshiꞌ in där shupquiꞌ muꞌindyes in, jam räj jemoñeꞌ in. Meꞌdyes qui muꞌin Simeóntyiꞌ vóshiꞌ in soꞌmac jac muꞌinsiꞌĉansiꞌ jac Judátyiꞌ vóshiꞌ in.

¹⁰ Mọꞌ chibinyis majmadyeꞌ chị́yacdyes tŝọcsiꞌ muꞌin Zabulóntyiꞌ vóshiꞌ in chat meꞌsiꞌ soꞌmacsi mọꞌ jiꞌchetacdyeꞌ jacsiꞌ ĉụiꞌdyes in. Muꞌinsiꞌ jac venjoiꞌ meꞌdye Saridyaꞌ.

¹¹ Mọꞌ feiꞌtacdyeꞌ jacsiꞌ muꞌin jịjcaijcheꞌ tsun jiyiꞌ Maralayaꞌ chat yejĉoiꞌ Dabesetyaꞌ. Chat qui jịjcaiꞌ jinacsiꞌyaꞌ chạdyeꞌ c̣hẹiꞌyaꞌ Jocneam.

¹² Saridyaꞌ mọꞌ feiꞌtacdyeꞌ shupquive tsun jịjcaiꞌ mọꞌyaꞌ jac Quislot-tabor chat qui Daberatyaꞌ chat bojviꞌ Jafíayaꞌ.

¹³ Meij jịjcaiꞌ shupquive tsun mọꞌ feiꞌtacdyeꞌ Gat-heferyaꞌ judyeyaꞌ Ita-cazínyaꞌ. Chat shupquiꞌ Rimónyaꞌ judyeyaꞌ cọijyequiꞌ Neayaꞌ.

¹⁴ Chat rocve jịjcaiꞌ mọꞌ feiꞌtacdyeꞌ jiyiꞌ Hanatón judyeyaꞌ dyäquiꞌ mọꞌyaꞌ mọꞌ mojij Jefteel.

¹⁵ Mọꞌyaꞌ chimeꞌ Catat, Naalal, Simrón, Idala judyeyaꞌ Belén. Yiriꞌtac päräꞌ jiyiꞌ bäꞌyedyeꞌ in judyeyaꞌ mọꞌĉan jac in.

¹⁶ Mọꞌin bäꞌyedyeꞌ in judyeyaꞌ mọꞌinĉansiꞌ jac in shupquiꞌ mọꞌ jac soꞌmacsis muꞌin ñuruꞌtyity in Zabulóntyiꞌ vóshiꞌ in.

¹⁷ Mọꞌ vạjpedyeꞌyis majmadyeꞌ chị́yacdyes tŝọcsiꞌ muꞌin Isacartyiꞌ vóshiꞌ in chat meꞌsiꞌ soꞌmacsi in mọꞌ jiꞌchetacdyeꞌ jacsiꞌ ĉụiꞌdyes muꞌin.

¹⁸ Muꞌinsiꞌ jac meꞌchucsiꞌ ọij bäꞌyedyeꞌ in: Jezreel, Quesulot, Sunem,

¹⁹ Hafaraim, Sihón, Anaharat,

²⁰ Rabit, Quisión, Abez,

²¹ Remet, En-ganim, En-hada judyeyaꞌ Betpases.

²² Mọꞌ jac täj buꞌyis Tabor, Sahazima judyeyaꞌ Bet-semes chat dyäquiꞌ mọꞌ jac Jordányaꞌ. Yiriꞌtac jäbän jiyiꞌ bäꞌyedyeꞌ in judyeyaꞌ mọꞌĉansiꞌĉan jac in.

²³ Mọꞌin bäꞌyedyeꞌ in judyeyaꞌ mọꞌĉansiꞌ jac in shupquiꞌ mọꞌ jac soꞌmacsis muꞌin ñuruꞌtyity in Isacartyiꞌ vóshiꞌ in.

²⁴ Mọꞌ ĉanamꞌyis majmadyeꞌ chị́yacdyes tŝọcsiꞌ muꞌin Asertyiꞌ vóshiꞌ in chat meꞌsiꞌ soꞌmacsi in mọꞌ jiꞌchetacdyeꞌ jacsiꞌ ĉụiꞌdyes muꞌin.

²⁵ Muꞌinsiꞌ jac meꞌchucsi ọij bäꞌyedyeꞌ in: Helcat, Halí, Betén, Acsaf,

²⁶ Alamec, Amad judyeyaꞌ Miseal. Jịjcaijcheꞌ tsun muꞌinsiꞌ jac täj buꞌyiꞌ Carmelo judyeyaꞌ Sihorlibnat.

²⁷ Chat cọijyequiꞌ shupquive tsun Bet-Dagónyaꞌ judyeyaꞌ jiyiꞌ junꞌ quiꞌ chuc täj buꞌyiꞌ Zabulónsiꞌ jac judyeyaꞌ mọꞌ mojij Jefteel. Chat rocve jịjcaiꞌ Bet-emecyaꞌ judyeyaꞌ Neiel chat rocveyaꞌ cajñeꞌ Cabul.

²⁸ Mọꞌ feiꞌtacdyeꞌ cajnacsiꞌ in Hebrón, Rehob, Hamón judyeyaꞌ Caná meꞌdye mọꞌ mọjoꞌchas Sidón.

²⁹ Mọꞌyaꞌ mọꞌ feiꞌtacdyeꞌ cọijyequiꞌ Hosayaꞌ judyeyaꞌ yejĉoiꞌ meꞌdye mọꞌ Mar Mediterraneo yóyaꞌdyemꞌ Aczibsiꞌ jac o.

³⁰ Mọꞌyaꞌ chimeꞌ Uma, Afec judyeyaꞌ Rehob. Päräꞌ quiꞌtac päräꞌ jiyiꞌ bäꞌyedyeꞌ in judyeyaꞌ mọꞌĉan jac in.

³¹ Mọꞌin bäꞌyedyeꞌ in judyeyaꞌ mọꞌĉansiꞌ jac in shupquiꞌ mọꞌ jac soꞌmacsis muꞌin ñuruꞌtyity in Asertyiꞌ vóshiꞌ in.

³² Mọꞌ jäbänyis majmadyeꞌ chị́yacdyes tŝọcsiꞌ muꞌin Neftalítyiꞌ vóshiꞌ in chat meꞌsiꞌ soꞌmacsiꞌ in mọꞌ jiꞌchetacdyeꞌ jacsiꞌ ĉụiꞌdyes muꞌin.

³³ Mọꞌ feiꞌtacdyeꞌ jacsiꞌ tiyacchutiꞌ Helefyaꞌ judyeyaꞌ mọꞌ chäbäj son Saananimyaꞌ. Chat cajñeꞌ in Adami-neceb judyeyaꞌ Jabneel meꞌdye Lacum shupquiꞌyaꞌ muꞌ Jordán.

³⁴ Chat qui mọꞌ feiꞌtacdyeꞌ jịjcaijcheꞌ tsun jịjcaiꞌ jiyiꞌyaꞌ Aznot-tabor judyeyaꞌ shupquiꞌ Hucocyaꞌ. Muꞌinsiꞌ jac jätisve täj buꞌyiꞌ Zabulónsiꞌ jac, jịjcaijcheꞌ tsun mọꞌ täj buꞌyiꞌ Asersiꞌ jac judyeyaꞌ shupquive tsun mọꞌ täj buꞌyiꞌ muꞌ Jordán.

³⁵ Mọꞌin naꞌrutumsiꞌ bäꞌyedyeꞌ muꞌinsiꞌĉan jac: Sidim, Zer, Hamat, Racat, Galilea,

³⁶ Adama, Ramá, Hazor,

³⁷ Cedes, Edrei, En-hazor,

³⁸ Irón, Migdal-el, Horem, Bet-anat judyeyaꞌ Bet-semes. Yiriꞌtac arajtac jiyiꞌ bäꞌyedyeꞌ in judyeyaꞌ mọꞌĉan jac in.

³⁹ Mọꞌin bäꞌyedyeꞌ in judyeyaꞌ mọꞌinĉansiꞌ jac in shupquiꞌ mọꞌ jac soꞌmacsis muꞌin ñuruꞌtyity in Neftalítyiꞌ vóshiꞌ in.

⁴⁰ Mọꞌ yävätidyeꞌyis majmadyeꞌ chị́yacdyes tŝọcsiꞌ muꞌin Dantyiꞌ vóshiꞌ in chat meꞌsiꞌ soꞌmacsi in mọꞌ jiꞌchetacdyeꞌ jacsiꞌ ĉụiꞌdyes muꞌin.

⁴¹ Muꞌinsiꞌ jac meꞌchucsiꞌ ọij bäꞌyedyeꞌ in: Zora, Estaol, Ir-semes,

⁴² Saalabín, Ajalón, Jetla,

⁴³ Elón, Timnat, Ecrón,

⁴⁴ Elteque, Gibetón, Baalat,

⁴⁵ Jehúd, Bene-berac, Gat-rimón,

⁴⁶ Mejarcón, judyeyaꞌ Racón mọꞌĉan jac tashcheꞌyaꞌ Jope.

⁴⁷ Jayejjoiꞌ jac muꞌin Dantyiꞌ vóshiꞌ in meꞌdyes qui muꞌin bojvi judyeyaꞌ chucsi muꞌin Lesemĉantyiꞌ in, jiꞌpenacsi in judyeyaꞌ räj ujacsi muꞌĉantyiꞌ in. Chat qui muꞌin Dantyiꞌ vóshiꞌ in bäꞌban in mọꞌĉan bäꞌyedyeꞌ. Muꞌin cambiajeꞌ tịj bäꞌyedyeꞌ, aty jam Lesem tịj mọꞌ. Muꞌin qui jịꞌtiꞌeꞌ in "Dan", dyijtucdyeꞌyaꞌ muꞌintyiꞌ vóshiꞌvun Dan.

⁴⁸ Mọꞌin bäꞌyedyeꞌ in mọꞌĉansiꞌ jac in shupquiꞌ mọꞌ jac soꞌmacsis muꞌin ñuruꞌtyity in Dantyiꞌ vóshiꞌ in.

⁴⁹ Aty ijaijyaꞌ muꞌin jiꞌchetaquiyaꞌ mọꞌ jac in chat qui muꞌin Israeltyiꞌ vóshiꞌ in soꞌmete jac Josuédyes Nuntyiꞌ ạvaꞌ muꞌ.

⁵⁰ Meꞌdye muꞌin jịꞌcätsepte in Ayos yụꞌtacdyeꞌ muꞌindyes in. Muꞌin soꞌmete mọꞌ bäꞌyedyeꞌ cọdyetacsis muꞌ mọꞌ Timnatsera. Mọꞌ bäꞌyedyeꞌ mụcuꞌve buꞌyis muꞌinsiꞌĉan jac in Efraíntyiꞌ vóshiꞌ in. Muꞌ na Josué jämꞌyụꞌbanꞌ mọꞌ bäꞌyedyeꞌ judyeyaꞌ muꞌĉan bäꞌyi muꞌ.

⁵¹ Meꞌ buꞌyiꞌ shupquiꞌ mọꞌ soꞌmacdyeꞌ jac muꞌindyes Israeltyidyes vóshiꞌ in. Muꞌ Eleazar, muꞌ cudyitity Jenꞌcheꞌ, judyeyaꞌ muꞌ Josué Nuntyiꞌ ạvaꞌ judyeyaꞌ muꞌin tashcheꞌ buꞌyity in meꞌjeꞌ in mọꞌ jiꞌchetacdyeꞌ jacsimꞌ. Siloyaꞌ meꞌjeꞌ in. Sisdyeꞌyaꞌ Jenꞌsiꞌ acaꞌ tinates muꞌin vaꞌquequeꞌ mọꞌ majmadyeꞌ chị́yacdyes Ayosyaꞌ vej muꞌ. Meꞌsiꞌ ujaij muꞌin mọꞌ jiꞌchetacdyeꞌ jacsimꞌ.