Josué 12 - Tsimane

Ayoꞌ jiꞌpenactyiꞌ in

¹ Uts muꞌin ayoꞌ jacchety in jiꞌpenacsity muꞌin Israeltyiꞌ vóshiꞌ in. Muꞌinsiꞌ jac ĉụiꞌdyestucsebi in, mọꞌ jac shupquive buꞌyis tsun Jordánve, tiyacchutiyaꞌ mọꞌ chạdyeꞌĉan Arnón meꞌdye muꞌ mụcuꞌ Hermón, judyeyaꞌ räj mọꞌ Arabá shupquive buꞌyis tsun:

² Sehón muꞌ ayoꞌ amorreoty in, muꞌsiꞌ bäꞌyedyeꞌ Hesbón. Muꞌ ayoꞌ buꞌyi tiyacchutiyaꞌ Aroeryaꞌ, mọꞌ bäꞌyedyeꞌ sinve buꞌyis chạdyeꞌĉan Arnón, meꞌdyes qui muꞌsiꞌ jac tiyacchuti chidyiꞌĉanyaꞌ mọꞌ chạdyeꞌĉan meꞌdye muꞌ cojiro Jaboc, yóyaꞌdyemꞌ tiyacchuiꞌ mọꞌ jac amonitas u in. Muꞌsiꞌĉan jac mọꞌyaꞌ chocyaꞌ quiꞌ mọꞌ jac Galaad.

³ Chimeꞌ muꞌ ayoꞌ buꞌyi mọꞌĉan jac Arabá shupquive buꞌyis tsun tiyacchutiꞌyaꞌ mọꞌ Mar Galilea meꞌdye mọꞌ Mar Säñis judyeyaꞌ tiyacchutiyaꞌ Bet-jesimot jätisve jịjcaiꞌ meꞌdye ọ́ĉan mọꞌin chạdyeꞌ Pisgasiꞌ in.

⁴ Judyeyaꞌ mọꞌ jac Ogsiꞌ muꞌ ayoꞌ Basánĉantyiꞌ, muꞌ yirity refaíta, muꞌin jadyiquity refaíta bäꞌyi in Astarotĉan judyeyaꞌ Edrieĉan jiquej.

⁵ Muꞌsiꞌ ayoꞌbuꞌyedyeꞌ jac jiquej: muꞌ mụcuꞌ Hermón, judyeyaꞌ Salca, judyeyaꞌ räj mọꞌ jac Basán meꞌdye yóyaꞌdyemꞌ tiyacchutiꞌ mọꞌin jac Gesur judyeyaꞌ Maaca o in, judyeyaꞌ chocyaꞌ quiꞌ mọꞌ jac Galaad meꞌdye tiyacchutiꞌyaꞌ muꞌsiꞌ jac Sehónsiꞌ muꞌ ayoꞌ Hesbónĉantyiꞌ.

⁶ Muꞌ Moisés, Ayoꞌtyiꞌ úñity muꞌ, judyeyaꞌ muꞌin Israeltyiꞌ vóshiꞌ in jiꞌpenacsi in. Muꞌ Moisés, Ayoꞌtyiꞌ úñity muꞌ, soꞌmacsi muꞌinsiꞌ jac ĉụiꞌdyes muꞌin Rubéntyiꞌ vóshiꞌ in, judyeyaꞌ Gadtyiꞌ vóshiꞌ in, judyeyaꞌ chocyaꞌ quiꞌ ñuruꞌtyity Manaséstyiꞌ vóshiꞌ in.

⁷ Uts ayoꞌ in jacchety muꞌin jiꞌpenacsity Josué judyeyaꞌ muꞌinyaꞌ Israeltyiꞌyaꞌ vóshiꞌ in muꞌin ayoꞌ jịjcaijcheꞌ tsun Jordánve buꞌyity in. Muꞌin bäꞌyi mọꞌĉan jac tiyacchutis Baal-gad mọꞌ bäꞌyedyeꞌ mojijĉan Líbano mọꞌyas meꞌdye muꞌ mụcuꞌ Halac, uts mụcus bojvedyeꞌ Seirve jịjcaiꞌsiꞌ mọꞌ. Ọijdye jac Josué soꞌmacsi muꞌin ñuruꞌtyity Israeltyiꞌ vóshiꞌ in paj qui ĉụiꞌdyestucsebi in:

⁸ Mọꞌ mụcuꞌves jac, mọꞌ jac jịjcaijcheꞌ tsun c̣hẹiꞌyaꞌ mụcuꞌ in, mọꞌ Arabá, mọꞌin chạdyeꞌ mụcus in, mọꞌ cäjyasĉan jac judyeyaꞌ Neguev. Mọꞌ jac muꞌĉan bäꞌyi in hititas in, amorreos in, cananeos in, fereseos in, heveos in judyeyaꞌ jebuseos in. (Uts muꞌin ayoꞌ jiꞌpenac muꞌinyaꞌ Israeltyiꞌyaꞌ vóshiꞌ in.)

⁹ Muꞌ ayoꞌ Jericóĉantyiꞌ - yirity. Muꞌ ayoꞌ Haiĉantyiꞌ (c̣hẹiꞌyaꞌ Betel) -yirity.

¹⁰ Muꞌ ayoꞌ Jerusalénĉantyiꞌ - yirity. Muꞌ ayoꞌ Hebrónĉantyiꞌ - yirity.

¹¹ Muꞌ ayoꞌ Jarmutĉantyiꞌ -yirity. Muꞌ ayoꞌ Laquisĉantyiꞌ - yirity.

¹² Muꞌ ayoꞌ Eglónĉantyiꞌ - yirity. Muꞌ ayoꞌ Gezerĉantyiꞌ - yirity.

¹³ Muꞌ ayoꞌ Debirĉantyiꞌ - yirity. Muꞌ ayoꞌ Gederĉantyiꞌ - yirity.

¹⁴ Muꞌ ayoꞌ Hormaĉantyiꞌ - yirity. Muꞌ ayoꞌ Aradĉantyiꞌ - yirity.

¹⁵ Muꞌ ayoꞌ Libnaĉantyiꞌ - yirity. Muꞌ ayoꞌ Adulamĉantyiꞌ - yirity.

¹⁶ Muꞌ ayoꞌ Macedaĉantyiꞌ - yirity. Muꞌ ayoꞌ Betelĉantyiꞌ - yirity.

¹⁷ Muꞌ ayoꞌ Tapúaĉantyiꞌ - yirity. Muꞌ ayoꞌ Heferĉantyiꞌ - yirity.

¹⁸ Muꞌ ayoꞌ Afecĉantyiꞌ - yirity. Muꞌ ayoꞌ Sarónĉantyiꞌ - yirity.

¹⁹ Muꞌ ayoꞌ Madónĉantyiꞌ - yirity. Muꞌ ayoꞌ Hazorĉantyiꞌ - yirity.

²⁰ Muꞌ ayoꞌ Simron-merónĉantyiꞌ - yirity. Muꞌ ayoꞌ Acsafĉantyiꞌ - yirity.

²¹ Muꞌ ayoꞌ Taanacĉantyiꞌ - yirity. Muꞌ ayoꞌ Maguidoĉantyiꞌ - yirity.

²² Muꞌ ayoꞌ Cedesĉantyiꞌ - yirity. Muꞌ ayoꞌ Jocneamĉantyiꞌ, mọꞌ Carmeloĉansiꞌ bäꞌyedyeꞌ - yirity.

²³ Muꞌ ayoꞌ Dorĉantyiꞌ, mọꞌĉan jac Dor - yirity. Muꞌ ayoꞌ Goimĉantyiꞌ, mọꞌ Gilgalĉansiꞌ bäꞌyedyeꞌ - yirity.

²⁴ Muꞌ ayoꞌ Tirsaĉantyiꞌ -yirity. Chibin quiꞌtac yirity jiyi ayoꞌ räjtum in.