Génesis 5 - Tsimane

Muꞌin Adántyiꞌ vóshimꞌ

¹ Ọij nash tịj muꞌin vóshiꞌ Adántyiꞌ jiquej muꞌin. Jenꞌ jämꞌte muntyiꞌ jiquej, joꞌmeij jämꞌte yódyeijdyemꞌ Jenꞌ u,

² sonꞌ judyeyaꞌ p̂en jämꞌtacsi Jenꞌ, chat qui yụꞌtyeyeyacsi jämꞌsiꞌ p̂eyacdyeꞌ muꞌindyes in judyeyaꞌ "muntyiꞌ" jéyacsi.

³ Muꞌ Adán tyiti yiriꞌ cien chibin quiꞌtac yómodyeꞌ, q̂uinꞌdyemꞌ yoctyiꞌ naꞌi ạvaꞌ muꞌ, Set jịꞌtiꞌete. C̣hac joꞌmeij jeꞌñeij jenꞌ muꞌ.

⁴ Adán men bäꞌyi tacaꞌ q̂uenꞌĉan quiꞌ cien yómodyeꞌ, judyeyaꞌ daiꞌ ạvaꞌ muꞌ naꞌi in, sonꞌ judyeyaꞌ p̂en in.

⁵ Aty arajtac quiꞌ cien chibin quiꞌtac yómodyeꞌ tyiti muꞌ, chat q̂uinꞌdyemꞌ säñi muꞌ Adán.

⁶ Set-siꞌ yiriꞌ cien ĉanamꞌ jiyiꞌ yómodyeꞌ muꞌ, q̂uinꞌdyemꞌ naꞌi ạvaꞌ muꞌ Enós tịj muꞌ.

⁷ Men bäꞌyi tacaꞌ q̂uenꞌĉan quiꞌ cien yävätidyeꞌ jiyiꞌ yómodyeꞌ judyeyaꞌ daiꞌ tacaꞌ naꞌi ạvaꞌ muꞌ, sonꞌ in judyeyaꞌ p̂en in.

⁸ Aty arajtac quiꞌ cien yiriꞌtac päräꞌ jiyiꞌ yómodyeꞌ tyiti muꞌ, chat q̂uinꞌdyemꞌ säñi muꞌ Set.

⁹ Muꞌ Enós aty arajtac quiꞌtac yómodyeꞌ tyiti, q̂uinꞌdyemꞌ naꞌi ạvaꞌ muꞌ Cainán.

¹⁰ Men bäꞌyi tacaꞌ q̂uenꞌĉan quiꞌ cien yiriꞌtac ĉanamꞌ jiyiꞌ yómodyeꞌ, judyeyaꞌ daiꞌ tacaꞌ ạvaꞌ muꞌ naꞌi in, sonꞌ in judyeyaꞌ p̂en in.

¹¹ Aty arajtac quiꞌ cien ĉanamꞌ jiyiꞌ yómodyeꞌ tyiti muꞌ, chat q̂uinꞌdyemꞌ säñi muꞌ Enós.

¹² Cainán aty yävätidyeꞌ quiꞌtac yómodyeꞌ tyiti, q̂uinꞌdyemꞌ naꞌi ạvaꞌ muꞌ Mahalaleel.

¹³ Men bäꞌyi tacaꞌ q̂uenꞌĉan quiꞌ cien vạjpedyeꞌ quiꞌtac yómodyeꞌ judyeyaꞌ daiꞌ ạvaꞌ muꞌ naꞌi in, sonꞌ in judyeyaꞌ p̂en in.

¹⁴ Aty arajtac quiꞌ cien yiriꞌtac yómodyeꞌ tyiti muꞌ chat q̂uinꞌdyemꞌ säñi muꞌ Cainán.

¹⁵ Muꞌ Mahalaleel aty jäbän quiꞌtac ĉanamꞌ jiyiꞌ yómodyeꞌ tyiti, q̂uinꞌdyemꞌ naꞌi ạvaꞌ muꞌ Jared.

¹⁶ Men bäꞌyi tacaꞌ q̂uenꞌĉan quiꞌ cien chibin quiꞌtac yómodyeꞌ judyeyaꞌ daiꞌ ạvaꞌ muꞌ naꞌi in, sonꞌ in judyeyaꞌ p̂en in.

¹⁷ Aty q̂uenꞌĉan quiꞌ cien arajtac quiꞌtac ĉanamꞌ jiyiꞌ yómodyeꞌ tyiti, chat q̂uinꞌdyemꞌ säñi muꞌ Mahalaleel.

¹⁸ Jared aty yiriꞌ cien jäbän quiꞌtac päräꞌ jiyiꞌ yómodyeꞌ tyiti, q̂uinꞌdyemꞌ naꞌi ạvaꞌ muꞌ Enoc.

¹⁹ Men bäꞌyi tacaꞌ q̂uenꞌĉan quiꞌ cien yómodyeꞌ judyeyaꞌ daiꞌ ạvaꞌ muꞌ naꞌi in, sonꞌ in judyeyaꞌ p̂en in.

²⁰ Aty arajtac quiꞌ cien jäbän quiꞌtac päräꞌ jiyiꞌ yómodyeꞌ tyiti, chat q̂uinꞌdyemꞌ säñi muꞌ Jared.

²¹ Enoc aty jäbän quiꞌtac ĉanamꞌ jiyiꞌ yómodyeꞌ tyiti, q̂uinꞌdyemꞌ naꞌi ạvaꞌ muꞌ Matusalén.

²² Enoc cäc̣häꞌchutety Jenꞌ. Naꞌi muꞌ Matusalén, men tacaꞌ muꞌ bäꞌyi Enoc, chibin quiꞌ cien yómodyeꞌ, daiꞌ ạvaꞌ muꞌ naꞌi in, sonꞌ in judyeyaꞌ p̂en in.

²³ Aty chibin quiꞌ cien jäbän quiꞌtac ĉanamꞌ jiyiꞌ yómodyeꞌ tyiti.

²⁴ Enoc cäc̣häꞌchutety Jenꞌ, ĉụiꞌdye yirisĉan mạyedyeꞌ jácabun muꞌ Jenꞌ.

²⁵ Muꞌ Matusalén aty yiriꞌ cien q̂uenꞌĉan quiꞌtac yävätidyeꞌ jiyiꞌ yómodyeꞌ tyiti, q̂uinꞌdyemꞌ naꞌi ạvaꞌ muꞌ Lamec.

²⁶ Men bäꞌyi tacaꞌ yävätidyeꞌ quiꞌ cien q̂uenꞌĉan quiꞌtac päräꞌ jiyi yómodyeꞌ, judyeyaꞌ daiꞌ ạvaꞌ muꞌ naꞌi in, sonꞌ in judyeyaꞌ p̂en in.

²⁷ Aty arajtac quiꞌ cien jäbän quiꞌtac arajtac jiyiꞌ yómodyeꞌ tyiti, chat q̂uinꞌdyemꞌ säñi muꞌ Matusalén.

²⁸ Lamec aty yiriꞌ cien q̂uenꞌĉan quiꞌtac päräꞌ jiyiꞌ yómodyeꞌ tyiti, q̂uinꞌdyemꞌ naꞌi ạvaꞌ muꞌ,

²⁹ Noé jịꞌtiꞌete, ĉaĉaij na yi muꞌ: "Muꞌ Ayoꞌ tsun ac̣hiꞌtyeꞌ jac jiquej, q̂uinꞌ carij buꞌyiꞌ dạcjaꞌ säcsedyeꞌ. Uts na ạvaꞌ tsun Noé, muꞌ raꞌ jịꞌjutyitidyes soꞌmisinꞌ", yi Lamec.

³⁰ Naꞌiyaꞌ muꞌ Noé, men tacaꞌ bäꞌyi muꞌ Lamec, ĉanamꞌ quiꞌ cien arajtac quiꞌtac ĉanamꞌ jiyiꞌ yómodyeꞌ, judyeyaꞌ daiꞌ ạvaꞌ muꞌ naꞌi in sonꞌ in judyeyaꞌ p̂en in.

³¹ Aty yävätidyeꞌ quiꞌ cien yävätidyeꞌ quiꞌtac yävätidyeꞌ jiyiꞌ yómodyeꞌ tyiti muꞌ, chat q̂uinꞌdyemꞌ säñi muꞌ Lamec.

³² Noé aty ĉanamꞌ quiꞌ cien yómodyeꞌ tyiti, q̂uinꞌdyemꞌ naꞌi ạvaꞌ muꞌ, tịj muꞌin Sem, Cam judyeyaꞌ Jafet.