Zaburi 98 - Bibiliya Yera

¹ Zaburi. Muririmbire Uwiteka indirimbo nshya, Kuko yakoze ibitangaza. Ikiganza cye cy'iburyo n'ukuboko kwe kwera yabizanishije agakiza.

² Uwiteka yamenyekanishije agakiza ke, Gukiranuka kwe yakwerekanye ku mugaragaro mu maso y'amahanga.

³ Yibutsa imbabazi ze n'umurava we, Kubigirira inzu y'Abisirayeli, Abo ku mpera y'isi hose barebye agakiza k'Imana yacu.

⁴ Mwa bari mu isi mwese mwe, Muvugirize Uwiteka impundu, Musandure muririmbishwe n'ibyishimo, Muririmbe ishimwe.

⁵ Muririmbire Uwiteka ishimwe mubwira inanga, Mubwire inanga, muririmbe indirimbo.

⁶ Muvugirize impundu imbere y'Umwami Uwiteka, N'impanda n'ijwi ry'ihembe.

⁷ Inyanja ihōrerane n'ibiyuzuye, N'isi n'abayibamo bose.

⁸ Inzuzi zikome mu mashyi, Imisozi iririmbire hamwe, Iririmbishwe n'ibyishimo,

⁹ Imbere y'Uwiteka kuko agiye kuza, Agacira abari mu isi imanza. Azacira abari mu isi imanza zitabera, Azacira amahanga imanza zitunganye.