Zaburi 92 - Bibiliya Yera

¹ Zaburi iyi ni indirimbo yo kuririmbwa ku isabato.

² Ni byiza gushima Uwiteka, No kuririmbira izina ryawe ishimwe, Usumbabyose,

³ Kwerekana imbabazi zawe mu gitondo, N'umurava wawe uko bwije,

⁴ Tubwira inanga y'imirya cumi na nebelu, Tubwirisha inanga ijwi ry'uwibwira.

⁵ Kuko wowe Uwiteka, wanyishimishije n'umurimo wakoze, Nzavugishwa impundu n'imirimo y'intoki zawe.

⁶ Uwiteka, erega imirimo wakoze irakomeye! Ibyo utekereza bifite uburebure bw'ikijyepfo.

⁷ Umuntu umeze nk'inka ntazi ibi, Umupfu ntabimenya.

⁸ Iyo abanyabyaha bārutse nk'ibyatsi, Kandi inkozi z'ibibi zose iyo zeze, Ni ukugira ngo barimbuke iteka,

⁹ Ariko wowe Uwiteka, ushyizwe hejuru iteka ryose.

¹⁰ Dore abanzi bawe Uwiteka, Dore abanzi bawe bazarimbuka, Inkozi z'ibibi zose zizatatanywa.

¹¹ Ariko washyize hejuru ihembe ryanjye nk'iry'imbogo, Nsīzwe amavuta mashya.

¹² Kandi ijisho ryanjye ryarebye ibyo nshakira abanzi banjye, Amatwi yanjye yumvise ibyo nshakira abanyabyaha bampagurukiye.

¹³ Umukiranutsi azashisha nk'umukindo, Azashyirwa hejuru nk'umwerezi w'i Lebanoni.

¹⁴ Ubwo batewe mu rugo rw'Uwiteka, Bazashishira mu bikari by'Imana yacu.

¹⁵ Bazagumya kwera no mu busaza, Bazagira amakakama menshi n'itoto,

¹⁶ Kugira ngo byerekane yuko Uwiteka atunganye, Ni we gitare cyanjye, ntarimo gukiranirwa na guke.