Zaburi 67 - Bibiliya Yera

¹ Zaburi iyi yahimbiwe umutware w'abaririmbyi babwira inanga. Ni indirimbo yitwa Zaburi.

² Imana itubabarire iduhe umugisha, Itumurikishirize mu maso hayo. Sela.

³ Kugira ngo inzira yawe imenywe mu isi, Ubugingo bwawe bukiza bumenywe mu mahanga yose.

⁴ Mana, amoko agushime, Amoko yose agushime.

⁵ Amahanga yishime, aririmbishwe n'ibyishimo, Kuko uzacira amoko imanza z'ukuri, Kandi uzashorerera amahanga mu isi. Sela.

⁶ Mana, amoko agushime, Amoko yose agushime.

⁷ Ubutaka bweze umwero wabwo, Imana ni yo Mana yacu, izaduha umugisha.

⁸ Imana izaduha umugisha, Kandi abo ku mpera y'isi hose bazayubaha.