Zaburi 61 - Bibiliya Yera

¹ Zaburi iyi yahimbiwe umutware w'abaririmbyi babwira inanga. Ni Zaburi ya Dawidi.

² Mana, umva gutaka kwanjye, Tyariza ugutwi gusenga kwanjye.

³ Mpagaze ku mpera y'isi nzajya ngutabaza, Uko umutima wanjye uzagwa isari. Unshyire ku gitare kirekire ntakwishyiraho,

⁴ Kuko wambereye ubuhungiro, N'igihome kirekire kinkingira umwanzi.

⁵ Nzaguma mu ihema ryawe iteka, Nzahungira mu bwihisho bwo mu mababa yawe. Sela.

⁶ Kuko wowe Mana, wumvise umuhigo wanjye, Umpaye umwandu uhabwa abubaha izina ryawe.

⁷ Uzongerera umwami iminsi y'ubugingo bwe, Imyaka ye izabe nk'iy'ab'ibihe byinshi.

⁸ Azaguma mu maso y'Imana iteka, Itegura imbabazi n'umurava kugira ngo bimurinde.

⁹ Bizatuma ndirimbira izina ryawe ishimwe iteka, Ngo mpigure umuhigo wanjye uko bukeye.