Zaburi 24 - Bibiliya Yera

¹ Zaburi ya Dawidi. Isi n'ibiyuzuye ni iby'Uwiteka, Isi n'abayibamo.

² Kuko ari we wayishinze ku nyanja, Yayishimangiye ku mazi menshi.

³ Ni nde uzazamuka umusozi w'Uwiteka? Ni nde uzahagarara ahera he?

⁴ Ni ufite amaboko atanduye n'umutima uboneye, Utigeze kwerekeza umutima we ku bitagira umumaro, Ntarahire ibinyoma.

⁵ Uwo ni we uzahabwa umugisha n'Uwiteka, No gukiranuka abihawe n'Imana y'agakiza ke.

⁶ Abayishaka ni bene uwo, Abashaka mu maso hawe Mana ya Yakobo. Sela.

⁷ Mwa marembo mwe nimwunamuke, Mwa marembo y'iteka mwe, nimweguke, Kugira ngo Umwami w'icyubahiro abyukuruke.

⁸ Uwo Mwami w'icyubahiro ni nde? Ni Uwiteka ufite imbaraga n'amaboko, Ni Uwiteka ufite amaboko yo kurwana.

⁹ Mwa marembo mwe, nimwunamuke, Mwa marembo y'iteka mwe, nimweguke, Kugira ngo Umwami w'icyubahiro abyukuruke.

¹⁰ Uwo mwami w'icyubahiro ni nde? Uwiteka Nyir'ingabo ni we Mwami w'icyubahiro.