Zaburi 138 - Bibiliya Yera

¹ Zaburi ya Dawidi. Ndagushimisha umutima wose, Imbere y'ibigirwamana ndakuririmbira ishimwe.

² Ndasenga nerekeye urusengero rwawe rwera, Nshimira izina ryawe imbabazi zawe n'umurava wawe, Kuko washyirishije hejuru ijambo ryawe kurisohoza, Ngo rirute ibyo izina ryawe ryose ryatwiringije.

³ Umunsi nagutakiyeho waransubije, Umpumurisha guha umutima wanjye imbaraga.

⁴ Uwiteka, abami bo mu isi bose bazagushima, Kuko bumvise amagambo yo mu kanwa kawe.

⁵ Ni koko bazaririmba inzira z'Uwiteka, Kuko icyubahiro cy'Uwiteka ari cyinshi.

⁶ Kuko nubwo Uwiteka akomeye, Yita ku bicisha bugufi n'aboroheje, Ariko abibone abamenyera kure.

⁷ Nubwo ngendera hagati y'amakuba n'ibyago uzanzura, Uzaramburira ukuboko kwawe kurwanya umujinya w'abanzi banjye, Ukuboko kwawe kw'iburyo kuzankiza.

⁸ Uwiteka azatunganya ibyanjye rwose, Uwiteka, imbabazi zawe zihoraho iteka ryose, Ntureke imirimo y'intoki zawe.