Zaburi 136 - Bibiliya Yera

¹ Nimushimire Uwiteka yuko ari mwiza, 100.5; 106.1; 107.1; 118.1; Yer 33.11 Kuko imbabazi ze zihoraho iteka ryose.

² Nimushime Imana nyamana, Kuko imbabazi zayo zihoraho iteka ryose.

³ Nimushime Umwami w'abami, Kuko imbabazi ze zihoraho iteka ryose.

⁴ Nimushime Ikora ibitangaza yonyine, Kuko imbabazi zayo zihoraho iteka ryose.

⁵ Nimushime iyaremesheje ijuru ubwenge, Kuko imbabazi zayo zihoraho iteka ryose.

⁶ Nimushime iyasanzuye isi hejuru y'amazi, Kuko imbabazi zayo zihoraho iteka ryose.

⁷ Nimushime iyaremye ibiva bikomeye, Kuko imbabazi zayo zihoraho iteka ryose.

⁸ Yaremye izuba gutwara ku manywa, Kuko imbabazi zayo zihoraho iteka ryose.

⁹ Yaremye ukwezi n'inyenyeri gutwara nijoro, Kuko imbabazi zayo zihoraho iteka ryose.

¹⁰ Nimushime iyakubitiye Abanyegiputa abana b'imfura babo ikabica, Kuko imbabazi zayo zihoraho iteka ryose.

¹¹ Igakura Abisirayeli hagati yabo, Kuko imbabazi zayo zihoraho iteka ryose.

¹² Ibakujeyo intoki z'imbaraga n'ukuboko kurambutse, Kuko imbabazi zayo zihoraho iteka ryose.

¹³ Nimushime iyatandukanije Inyanja Itukura, Kuko imbabazi zayo zihoraho iteka ryose.

¹⁴ Igacisha Abisirayeli hagati yayo, Kuko imbabazi zayo zihoraho iteka ryose.

¹⁵ Ariko igakunkumurira Farawo n'ingabo ze mu Nyanja Itukura, Kuko imbabazi zayo zihoraho iteka ryose.

¹⁶ Nimushime iyashorereye ubwoko bwayo mu butayu, Kuko imbabazi zayo zihoraho iteka ryose.

¹⁷ Nimushime iyakubise abami bakomeye, Kuko imbabazi zayo zihoraho iteka ryose.

¹⁸ Ikica abami b'amapfura, Kuko imbabazi zayo zihoraho iteka ryose.

¹⁹ Yica Sihoni umwami w'Abamori, Kuko imbabazi zayo zihoraho iteka ryose.

²⁰ Yica na Ogi umwami w'i Bashani, Kuko imbabazi zayo zihoraho iteka ryose.

²¹ Itanga ibihugu byabo ngo bibe umwandu, Kuko imbabazi zayo zihoraho iteka ryose.

²² Umwandu w'Abisirayeli abagaragu bayo, Kuko imbabazi zayo zihoraho iteka ryose.

²³ Yaratwibutse ubwo twari ducishijwe bugufi, Kuko imbabazi zayo zihoraho iteka ryose.

²⁴ Idukiza abanzi bacu, Kuko imbabazi zayo zihoraho iteka ryose.

²⁵ Igaburira ibifite imibiri byose, Kuko imbabazi zayo zihoraho iteka ryose.

²⁶ Nimushime Imana yo mu ijuru, Kuko imbabazi zayo zihoraho iteka ryose.