Zaburi 122 - Bibiliya Yera

¹ Indirimbo ya Dawidi y'Amazamuka. Narishimye ubwo bambwiraga bati “Tujye mu nzu y'Uwiteka.”

² Yerusalemu, Ibirenge byacu bihagaze mu marembo yawe.

³ Yerusalemu, Wubatswe nk'umudugudu ufatanijwe hamwe.

⁴ Aho imiryango izamuka ijya, Ari yo miryango y'Uwiteka, Kugira ngo babe abagabo bo guhamiriza Abisirayeli, Kandi bashime izina ry'Uwiteka.

⁵ Kuko ari ho batereka intebe z'imanza, Intebe z'inzu ya Dawidi.

⁶ Nimusabire i Yerusalemu amahoro, “Abagukunda bagubwe neza.

⁷ Amahoro abe imbere y'inkike zawe, Kugubwa neza kube mu nyumba zawe.”

⁸ Ku bwa bene data na bagenzi banjye, None ndavuga nti “Amahoro abe muri wowe.”

⁹ Ku bw'inzu y'Uwiteka Imana yacu, Nzajya ngushakira ibyiza.