Zaburi 121 - Bibiliya Yera

¹ Indirimbo y'Amazamuka. Nduburira amaso yanjye ku misozi, Gutabarwa kwanjye kuzava he?

² Gutabarwa kwanjye kuva ku Uwiteka, Waremye ijuru n'isi.

³ Ntazakundira ibirenge byawe ko biteguza, Ukurinda ntazahunikira.

⁴ Dore ūrinda Abisirayeli, Ntazahunikira kandi ntazasinzira.

⁵ Uwiteka ni we murinzi wawe, Uwiteka ni igicucu cyawe iburyo bwawe.

⁶ Izuba ntirizakwica ku manywa, Cyangwa ukwezi nijoro.

⁷ Uwiteka azakurinda ikibi cyose, Ni we uzarinda ubugingo bwawe.

⁸ Uwiteka azakurinda amajya n'amaza, Uhereye none ukageza iteka ryose.