Zaburi 12 - Bibiliya Yera

¹ Zaburi iyi yahimbiwe umutware w'abaririmbyi, babwirisha inanga ijwi ryo mu gituza. Ni Zaburi ya Dawidi.

² Uwiteka tabara kuko umunyarukundo ashira, Abanyamurava babura mu bantu.

³ Bose barabeshyana, Bavugisha iminwa ishyeshya n'imitima ibiri.

⁴ Uwiteka azatsemba iminwa yose ishyeshya, N'ururimi rwirarira,

⁵ Abavuze bati “Tuzaneshesha indimi zacu, Iminwa yacu ni iyacu udutwara ni nde?”

⁶ “Ku bwo kunyagwa k'umunyamubabaro, Ku bwo gusuhuza umutima k'umukene, Nonaha ndahaguruka”, ni ko Uwiteka avuga, “Ndashyira mu mahoro uwo bacurira ingoni.”

⁷ Amagambo y'Uwiteka ni amagambo atanduye, Ahwanye n'ifeza igeragejwe mu ruganda rwo mu isi, Ivugutiwe karindwi.

⁸ Uwiteka uzabarinda, Uzabakiza ab'iki gihe iteka ryose.

⁹ Abanyabyaha bagenda hose impande zose, Iyo abatagira umumaro bashyizwe hejuru mu bantu.