Zaburi 100 - Bibiliya Yera

¹ Zaburi yo gushima. Mwa bari mu isi yose mwe, Muvugirize Uwiteka impundu,

² Mukorere Uwiteka munezerewe, Muze mu maso ye muririmba.

³ Mumenye yuko Uwiteka ari we Mana, Ni we waturemye natwe turi abe, Turi ubwoko bwe, Turi intama zo mu cyanya cye.

⁴ Mwinjire mu marembo ye mushima, No mu bikari bye muhimbaza, Mumushime, musingize izina rye.

⁵ Kuko Uwiteka ari mwiza, Imbabazi ze zihoraho iteka ryose, Umurava we uhoraho ibihe byose.