Zaburi 1 - Bibiliya Yera

IGICE CYA MBERE

¹ Hahirwa umuntu udakurikiza imigambi y'ababi, Ntahagarare mu nzira y'abanyabyaha, Ntiyicarane n'abakobanyi.

² Ahubwo amategeko y'Uwiteka ni yo yishimira, Kandi amategeko ye ni yo yibwira ku manywa na nijoro.

³ Uwo azahwana n'igiti cyatewe hafi y'umugezi, Cyera imbuto zacyo igihe cyacyo. Ibibabi byacyo ntibyuma, Icyo azakora cyose kizamubera cyiza.

⁴ Ababi ntibamera batyo, Ahubwo bahwana n'umurama utumurwa n'umuyaga.

⁵ Ni cyo gituma ababi bazatsindwa ku munsi w'amateka, N'abanyabyaha bazatsindirwa mu iteraniro ry'abakiranutsi.

⁶ Kuko Uwiteka azi inzira y'abakiranutsi, Ariko inzira y'ababi izarimbuka.