Yosuwa 19 - Bibiliya Yera

Umugabane w'Abasimeyoni

¹ Nuko ubufindo bwa kabiri bwerekana Simiyoni. Ni wo muryango w'Abasimeyoni nk'uko amazu yabo ari, kandi umugabane wabo wari hagati mu mugabane w'Abayuda.

² Nuko bahabwa iyi midugudu ngo ibe gakondo yabo: Bērisheba cyangwa Sheba na Molada,

³ na Hasarishuwali na Bala na Esemu,

⁴ na Elitoladi na Betula na Horuma,

⁵ na Sikulagi na Betimarukaboti na Hasarisusa,

⁶ na Betilebawoti na Sharuheni. Imidugudu ni cumi n'itatu hamwe n'ibirorero byayo.

⁷ Ayini na Rimoni, na Eteri na Ashani. Imidugudu ine n'ibirorero byayo,

⁸ hamwe n'ibirorero byose bikikije iyo midugudu kugeza i Bālatibēri, ari yo Rama ikusi. Iyo ni yo gakondo y'umuryango w'Abasimeyoni nk'uko amazu yabo ari.

⁹ Ariko umugabane w'Abasimeyoni wakuwe mu mugabane w'Abayuda, kuko igice cy'Abayuda cyabaruse ubwinshi. Ni cyo cyatumye Abasimeyoni bahabwa gakondo hagati muri gakondo yabo.

Umugabane w'Abazebuluni

¹⁰ Ubufindo bwa gatatu bwerekana Abazebuluni nk'uko amazu yabo ari. Kandi urugabano rwa gakondo yabo rugera i Sarida,

¹¹ rukazamurwa iburengerazuba kugeza i Marala rukagera n'i Dabesheti, rukagera ku kagezi kari imbere ya Yokineyamu.

¹² Uhereye i Sarida rugakebereza iburasirazuba rukagera mu rugabano rwa Kisilotitabora, rukagarukira i Daberati rukazamuka rugera i Yafiya.

¹³ Uhereye aho rukanyura iburasirazuba rukagera i Gatiheferi na Etikasini, rukagarukira i Rimoni rugakomeza i Neya,

¹⁴ rugakebereza aho ikasikazi rujya i Hanatoni, kandi iherezo ryarwo ryari mu gikombe cya Ifutaheli.

¹⁵ Kandi bahabwa i Katati n'i Nahalali, n'i Shimuroni n'i Dala n'i Betelehemu. Yose ni imidugudu cumi n'ibiri hamwe n'ibirorero byayo.

¹⁶ Iyo ni yo gakondo y'Abazebuluni nk'uko amazu yabo ari.

Umugabane w'Abisakari

¹⁷ Ubufindo bwa kane bwerekana Abisakari nk'uko amazu yabo ari.

¹⁸ Urugabano rwabo rwagarukiraga i Yezerēli n'i Kesuloti n'i Shunemu,

¹⁹ n'i Hafarayimu n'i Shiyoni na Anaharati,

²⁰ n'i Rabiti n'i Kishiyoni na Ebeza,

²¹ n'i Remeti na Eniganimu na Enihada n'i Betipazezi,

²² maze urugabano rukagarukira i Tabora n'i Shahazuma n'i Betishemeshi, kandi iherezo ry'urugabano rwabo ryari Yorodani. Yose ni imidugudu cumi n'itandatu hamwe n'ibirorero byayo.

²³ Iyo ni yo gakondo y'umuryango w'Abisakari nk'uko amazu yabo ari, imidugudu n'ibirorero.

Umugabane w'Abashēri

²⁴ Ubufindo bwa gatanu bwerekana Abashēri nk'uko amazu yabo ari.

²⁵ Urugabano rwabo rwari i Helikati n'i Hali, n'i Beteni na Akishafu,

²⁶ na Alameleki na Amadi n'i Mishali, nuko rukagera i Karumeli iburengerazuba, n'i Shihorilibunati,

²⁷ rugakebereza iburasirazuba rukagera i Betidagoni, maze rukagera i Zebuluni no mu gikombe cya Ifutaheli, rukagera i Betemeki n'i Neyeli ikasikazi rukagarukira i Kabuli ibumoso,

²⁸ na Eburoni n'i Rehobu, n'i Hamoni n'i Kana no kugeza i Sidoni nini.

²⁹ Nuko urugabano rugakebereza i Rama, rukagera no ku mudugudu w'i Tiro ugoswe n'inkike z'amabuye, maze urugabano rugakebereza i Hosa kandi iherezo ryarwo ryari inyanja hegeranye n'i Akizibu,

³⁰ kandi bahabwa na Uma na Afika n'i Rehobu. Yose ni imidugudu makumyabiri n'ibiri hamwe n'ibirorero byayo.

³¹ Iyo ni yo gakondo y'Abashēri nk'uko amazu yabo ari.

Umugabane w'Abanafutali

³² Ubufindo bwa gatandatu bwerekana Abanafutali, ari bo bene Nafutali nk'uko amazu yabo ari.

³³ Urugabano rwabo rwaheraga i Helefi ku giti cy'umwela kiri i Sananimu, na Adaminekebu n'i Yabunēli kugeza i Lakumu, kandi iherezo ryarwo ryari Yorodani.

³⁴ Maze urugabano rugakebereza iburengerazuba rukagera Azinotitabora, uhereye aho rukagarukira i Hukoki. Nuko rukagera i Buzebuluni ikusi, rukagera i Bwasheri iburengerazuba, kandi i Buyuda kuri Yorodani iburasirazuba.

³⁵ Kandi imidugudu igoswe n'inkike z'amabuye bahawe ngiyi: Sidimu na Sera na Hamati, na Rakati na Kinereti,

³⁶ na Adama na Rama na Hasori,

³⁷ na Kedeshi na Edureyi na Enihasori,

³⁸ na Ironi na Migidoleli na Horemu, na Betanati na Betishemeshi. Yose ni imidugudu cumi n'icyenda hamwe n'ibirorero byayo.

³⁹ Iyo ni yo gakondo y'umuryango w'Abanafutali nk'uko amazu yabo ari, imidugudu n'ibirorero byayo.

Umugabane w'Abadani

⁴⁰ Ubufindo bwa karindwi bwerekana umuryango w'Abadani nk'uko amazu yabo ari.

⁴¹ Kandi urugabano rwa gakondo yabo rwari i Sora na Eshitawoli na Irishemeshi,

⁴² n'i Shālabini na Ayaloni na Itula,

⁴³ na Eloni n'i Timuna na Ekuroni,

⁴⁴ na Eliteke n'i Gibetoni n'i Bālati,

⁴⁵ n'i Yahudi n'i Beneberaki n'i Gatirimoni,

⁴⁶ n'i Meyakoni n'i Rakoni, mu rugabano rwerekeye i Yopa.

⁴⁷ Kandi igihugu cy'Abadani cyisumbura urugabano rwabo, kuko Abadani bazamutse bagatera i Leshemu bakaharwanya, bahaneshesha inkota barahahindūra baturayo, maze i Leshemu bahita i Dani, bahitirira n'izina rya sekuruza Dani.

⁴⁸ Iyo ni yo gakondo y'umuryango w'Abadani nk'uko amazu yabo ari, imidugudu n'ibirorero byabo.

⁴⁹ Nuko barangiza kugabanya igihugu mo gakondo bakurikije ingabano zacyo, kandi Abisirayeli baha Yosuwa mwene Nuni gakondo hagati muri bo

⁵⁰ bakurikije itegeko ry'Uwiteka, bamuha umudugudu yasabye witwa Timunatisera wo mu gihugu cy'imisozi ya Efurayimu, yubakayo umudugudu awuturamo.

⁵¹ Iyo ni yo gakondo Eleyazari umutambyi na Yosuwa mwene Nuni, n'abatware b'amazu y'imiryango y'Abisirayeli bagabanishije ubufindo i Shilo imbere y'Uwiteka, bari ku muryango w'ihema ry'ibonaniro. Uko ni ko barangije kugabana igihugu.