Yobu 25 - Bibiliya Yera

Biludadi avuga ubwa gatatu

¹ Maze Biludadi w'Umushuhi arasubiza ati

² “Ubutware n'igitinyiro ni iby'Imana, Kandi itanga amahoro mu buturo bwayo bwo hejuru.

³ Mbese imitwe y'ingabo zayo irabarika? Kandi utamurikirwa n'umucyo wayo ni nde?

⁴ Umuntu yabasha ate kuba umukiranutsi imbere y'Imana? Cyangwa uwabyawe n'umugore yabasha ate kuba intungane?

⁵ Dore ndetse n'ukwezi ntikumurika, N'inyenyeri ntabwo ziboneye mu maso yayo,

⁶ Nkanswe umuntu w'inyo gusa, N'umwana w'umuntu w'umunyorogoto!”