Zefania 3 - WEN GBAŊKA

¹ Ku le bie a te tɛŋ kaai ale a namsi, a ta tukpari ale ka nuruma ale a taŋ ka,

² ka kan wom waai nɔi ya, ka kan siak sinsaga, ka an ta sebchakka ale Naawen ya, ka kan cheŋ a moata ka Wenni.

³ Ka kpaŋŋa ka gbeŋ ŋaai ale a ŋuuni, ka niŋdeerɔma ka junɔi piina baai ale ka a tali jaab a magsi saluiwa.

⁴ Ka biisiteerɔma ta ka kayerinni, ba ka nuru baai ale suk a nye biem. Ka kaabteerɔma a taŋ Wen dɔkku kama ale kaasi sinsaŋŋa.

⁵ Naawen ale bo ka po la ka wayɔrisima nyɔnɔ, wa kan nye a kaasi. Saluik meena wa a nye ka wa wensieŋa, dai paali meena wa kan nye wari a kpeeri. Ale ge baai ale kan daa wayɔrisima nyam la a zɛ chivie.

⁶ <

⁷ Mi weeni tɛŋ nummu ayen, Ate ba le bo juijui la m kan kaasi dula, yaase m namsika meena a jam ka zuwa. Alege ba nyiŋsa ale diem a zeenti ayen ba nye kaasi dii meena ate ba a nye la po.>>

⁸ Naawen weeni ayen, <

⁹ <

¹⁰ A nyini Kus beli naŋsaŋa geŋsa mi puusirɔma, mi nuruma ale waaŋ la ale ta tiirita a jam te mi.

¹¹ A zaani dai dila danni ni kan jo chivie po dii meena ate ni nye kaasi mi, dii nyiŋla m le yeeri baai meena ale dɛ masim ba kanjantaŋa nyiŋla tɛŋka po. Nama a kan ŋman ta kanjanta m tuilum guuku zuwa.

¹² Alege mi ale basi ate baai ale kaa yaali biik la ale baai ale a yik badek la a bo ni po, baai ale ta sebchakka ale Naawen yuenni la.

¹³ Izirali demma ale tali vua la a kan ŋman nye kaasi, ba kan velimu yaase pimpaasima a bo ba noaŋa po. Ba le dɛ abe ba duak ate waai a kan nye ate ba a yɔgsa.>>

¹⁴ A leni yiila Zayon Lie, Izirali na ate ku jueli basi ate fi sui a peenti abe fi a dɛ masim ale fi suinum meena Jerusalem Lie.

¹⁵ Naawen a yeeri fi namsika kama, wa yiak fi dachiaka kama. Naawen, Izirali Naawa a bo le fu kama, fi a kan ŋman chali daanika.

¹⁶ Dai dila danni ba le weeni Jerusalem ayen, <

¹⁷ Naawen, fi Wenni a bo le fu kama, wa zuak kama a vari a basi. Wa le dɛ masim fi nyiŋ, wa le sueri fu ale wa yaalika, wa le dɛ masim fi nyiŋ ale yiila lennika.>>

¹⁸ <

¹⁹ Va ŋala po m le nye ale baai meena ale namsi fu la, m le vari gbansaŋa a basi abe m tigsi baai ale waaŋ la jigi yeŋ. M le pai pimpauk ale zula a te ba tɛŋ sii meena po ate ba jam pai ba nyo chivie po la.

²⁰ Va ŋala po m le tigsi ni, va ŋala po m le ta ni jam yeri. M le te ni zula abe pimpauk nuruma meena po tɛŋzuk de ase m nin ŋman te ni zumasuk nidek nimbie po.>> Ka Naawen ale weeni.