Zefania 2 - WEN GBAŊKA

¹ Ni tigsi jigi yeŋ ni tigsi jigi yeŋ chivie tɛŋa,

² ni nye dila abe ni ge ate wa le dak diipo la a jam, dai dii dai ate nama ale chuiri a taam ase vɔtta la a paari, alege ate Naawen suipuurumu a jam ni zuk.

³ Ni gisi Naawen nama baai meena ale yik nidek tɛŋka po la, nama baai ale a nye dii ate wa weeni la. Ni a gisi wayɔrisima, ni gisi yik m dek, dai dii dai ni le lik nidek Naawen suipuurumu danni.

⁴ Ba le banti Gaza tɛŋka a basi ate Askelon a kaasi. Kantueŋ suŋsuŋ Asdod ale duak koruk ate Ekron ale basi ka le bo juijui la.

⁵ Ku le bie a te nama baai ale bo nyakpiemu nɔi la Keret nuruba, Naawen wanni a ta ka chaab ale ni Keenan Filistia demma tɛŋka. <>

⁶ Tɛŋka ale bo nyakpiemu nɔi la juijui ate Keret demma a boro la ale chim ka naapeerisa jigi ale piisa zɔŋta.

⁷ Ka Juda dem baai ale tali la ale kala ba soa ŋa. Dula jigini ba le nya wuyɔgsuk. Junɔi ba le duak Askelon yieŋa po. Naawen ba Wenni ale nya ba zuk, wa le ŋman te ba ba zumasuku.

⁸ <

⁹ Naawen Dii Ale A Dɛ Tugurik Tɔŋdɔma Niŋ La Izirali Wenni ayen, <>

¹⁰ Ka nnala ale ku jam ba jigi ba kanjantaŋa nyiŋ, ba ale lɛ ale nye Naawen Dii Ale A Dɛ Tugurik Tɔŋdɔma Niŋ La nuruma a la la nyiŋ.

¹¹ Naawen ale chim nyinyigsa a te ba ase wa nin kaasi tɛŋka wenaŋa meena. Tɛŋsa meena ale bo kunkɔŋni la ale puusi wa, waai meena wadek tɛŋ po.

¹² <>

¹³ Wa le teeri wa nisaŋa a ta chaab ale wiilukku geŋsa demma a kaasi Assiria tɛŋka, a basi ate Niineve a kaasi chessi abe ka nye ase gɔi kosik la.

¹⁴ Duŋ boari ale duak dula, ŋan nyeenta nna tɔgatɔga. Sagi po viuk ale viuk mɔnuŋ ale kali si zaŋŋa zuk, si kumsaŋa ale nuem va takpataŋa a nyini, tuataŋa nɔi tintana ale boro, ate nyunyoŋ chibsaŋa a nya peelim.

¹⁵ Tɛŋ kaai ale jam boro fasiyaa la ale nna, kaai ale boro ate wari a kan daanika la. Ka jam weeni ka dek kama ayen, <> Nya ka le kaasi dii ya, ate gɔi duŋsa a duak ka po. Baai meena ale va ka tɛŋ a taam la a nye ka a la kama ale a kpaanti ba naŋtaata.