Zefania 1 - WEN GBAŊKA

¹ Naawen wanni yaa jan jam Kusi nidoabinni Zefania jigi. Gedalia nidoabili ale nye Kusi ate Amariya nidoabili a nye Gedalia ate Azekaya nidoabili a nye Amariya. Di jam ka diipo ate Amon nidoabinni Josia a jam chim Juda naab la.

² <> Ka Naawen ale weeni.

³ <> Ka Naawen ale weeni.

⁴ <

⁵ baai ale a koori tɛŋ diina zuima a puusi wenzuk chiŋmari boanni la, baai ale a koori tɛŋ a pɛ Naawen yuenni nyiŋ ale a pɛ Milkom wenni yuei nyiŋla,

⁶ baai ale basi Naawen vaka ale kan gisi Naawen yaase ba kpesi a nyini wa jigi la.

⁷ Ni nye diki Nyɔnɔwa Naawen niŋ ale wa jam ka a moata kama. Naawen a gomsi wa kaabka kama, wa nye baai ate wa wi la kama ate ba welema a te wadek.

⁸ Naawen kaabka daaŋa po, mi ale namsi nabisa ale naawa nidoabilisaŋa ale baai meena ale jo garuk chaŋsa la.

⁹ Dai dila danni mi ale namsi baai meena ale jo a sueri ba wenaŋa yenni po ale nyeka tuem ale pimpaasima la.

¹⁰ Naawen weeni ayen, <

¹¹ Nama baai ale bo yabaŋa geŋsa la ni a kaari, nama geruŋdɔma meena a kala ni kpi kama ate baai meena ale a gerim ale kpana la ale nueri.

¹² Va ŋala po mi ale gisi Jerusalem ale zeuŋta abe m namsi baai ale ta sebchakka la, baai ale a poli ayen Naawen a kan nye wari ase nalim yaase kaasuŋ la.

¹³ Ba le koalim ba paaruŋku a ta cheŋ, ba yieŋa ale ŋɔriŋ. Ba le sɛ yie alege ba kan bo ŋa po, ba le vuk tiisa ba kaduksaŋa po alege ba kan nyu si daamu.

¹⁴ Naawen dai kpienni a moata kama, a moata ale cheena nna nwuli. Ni wom Naawen danni kaarika a za ka toa kama nna katikati, tugurik tɔŋdɔma neakka.

¹⁵ Dai dila danni ale chim ka suipuurum dai, nyinyigsa ale daanika dai, dai kaasuŋ ale koka, legi ale paasuk dai, chiŋma ale sobluk dai,

¹⁶ damunsa ale kpaliŋ kaarik a siti tɛŋka ate ba sɛ parik pagrik a gilim ka la a ta chaab ale gboŋ woŋku ale za gugoruku po la.

¹⁷ Mi ale ta daanika a jam nuruma po ate ba a cheŋ ase yeeba la, dii nyiŋla ba nye ka biem a kaasi Naawen. Ba ziimu ale waaŋ ase nyuŋ la ate ba puusaŋa po a poak.

¹⁸ Ba kpanaŋa yaase ba ligmɔniŋka a kan baga vari ba a basi Naawen suipuurumu danni. Wa nyuri dɛka bolimu po, tɛŋzuk meena bolim ale dɛ, diila wa le basi ate baai meena ale bo tɛŋzuk de la a kpeglim nna kadi.>>