Zakaria 10 - WEN GBAŊKA

¹ Ku dan paari borik ni abe bek Naawen ate wa basi ate ŋmoruk a ni. Ka Naawen ale baga a nye ate viok a chim chiŋma. Wala ale a te nuruba nyiam a ŋman a nye ate ŋankpaanta a bo tata po a te nuruba meena.

² Bɔgtaŋa a weeni ka venta wie, sampoporisaŋa a nya ka venta wie. Ba a weeni ka venta gɔdaasima, suiyɔgni wie ŋaai ate ba a weeni a te nuruba la ka koruk. Dila nyiŋla nuruma a cheŋ bɛ kama a yaa ta chichama ase piisa ale cheŋ tuiri gɔi po dii nna se ŋa ka naapeerik la.

³ <

⁴ A nyini Juda po ate ti ale nya gugoruku buntanni ale viuku kpaasini ale kpaliŋ tommu ale kpaga meena.

⁵ Ba ale gum ka chaab a chim nuru kpienta, a tabi sui tii ate bagta a bo ti po ate ba a nye kpaliŋsa. Dii nyiŋla Naawen a bo ale ba kama ba ale kpaliŋ kama, ba ale kpaliŋ a nya a nakdeka wusum duerɔma zuk.

⁶ <

⁷ Ɛfraim demma ale nye ase ka nidoa kpienta la, ate ba suiniima ale peenti ase ba nyu daam la. Ba bisaŋa ale nya ate ku te ba masim. Ba suiniimaŋa ale dɛ masim Naawen po.

⁸ Mi ale wi ba a ta jam jigi yeŋ. Chekki wensie mi ale vari ba a basi. Ba ale ŋman piisi ase ba nyiem ale ka diila.

⁹ Mi dan poom a nye ate ba waaŋ a bo nuruba po, ate satɛŋsaŋa a yalima pooma, ba ale ŋman a teeri mi. Ba ale ba bisaŋa ale vuuk ate ba ale ŋman pilim jam badek tɛŋka po.

¹⁰ Mi ale ta ba ŋman nyini Ejipiti a jam, a tigsi ba a nyini Assiria. M le ta ba cheŋ Gilead ale Lebanon, ate ba kan nya jigi a te ba.

¹¹ Ba ale cheŋ va nyakpiemu daanika po. Nyakpiemu nanpansaŋa ale baliŋ, ate Nile nyaliuŋtaŋa meena ale kpeeri. Assiria kanjantaŋa ale siŋ tɛŋ, ate Ejipiti tachekka a kan ŋman boro.

¹² Mi ale te ba Naawen pagrimu ate ba ale cheŋ ale wa yuenni.>> Ka Naawen ale weeni.