Yosea 8 - WEN GBAŊKA

¹ <

² Izirali a kaari a wi mi kama,

³ Alege Izirali a zɛri ka dii ale nala la. Dachiak ale vi wa.

⁴ Ba a bobi ka nalima ate mi an te ba suikwa. Ba a lueri nabisa ate mi an siak ya. Ba pai ka ba kpanaŋa ale ba ligmɔniŋka a nye bɔgta a te badek ate ti ta ba a cheŋ badek kaasuŋ po.

⁵ Samaria, ni yuk ni naabiik bɔglukku a basi. M suinni a puuri kama ale ba. Ku ale beni soa ka sɛ ate ba kan baga a nye cheri?

⁶ Ba nyini ka Izirali! Naabiika de daa Wen ya. Ka peesirɔ ale nye ku. Samaria naabiik kala ale wɛ nna bunabuna.

⁷ <

⁸ Ba nɛ Izirali ka meena. Wa yaa maa bo ka tɛŋ kpieŋ sii ale a nye ase jaab ale kan ta kiri la po.

⁹ Diila ba cheŋ jueli ka Assiria ase boniŋ kaai nyeka ale toa la a tuinti wadek wa nyiini. Ɛfraim a pai ka wadek a da te baai ale a yaali wa la.

¹⁰ Ba poom ŋaam pai badek a da te ka tɛŋ kpieŋsa, m yaa le tigsi ba. Ba ale piilim a buk a bɛ naab kpioŋku namsika nyiŋ.

¹¹ <<Ɛfraim a poom jam sɛ ka kuŋkuŋta yega a magsi biem tiirita, ti de a chim ka kuŋkuŋta a magsi wabaata nyeka.

¹² Mi ŋmarisi ŋanta yega m sinsaŋŋa po kama a te ba, alege ba nya ŋa kama ase ŋan chaŋsa la.

¹³ Ba jam nyeka kaabka a te mi ale ŋɔbi lammu, alege Naawen sui an peenti ale ba. Yɔgyɔgla de wa le teeri ba gaasaŋa a namsi ba, ba wabaataŋa nyiŋ. Ba ale ŋman cheŋ Ejipiti.

¹⁴ Izirali a baŋ wa Nyeerɔwa kama ale sɛ nalima yie. Juda a nye kama ate tɛŋsa yega a pagra. Alege m le basi ate bolim a lo ba tɛŋ kpieŋsaŋa zuk ate bu dɛ ba yie pagrisaŋa.>>