Yosea 6 - WEN GBAŊKA

¹ <

² Daa ŋaye ŋaaŋnyiŋ wa ale tagri ti. Daa ŋatawa danni wa ale ŋman pai ti a zaani ti nyiem ale ka diila, ate ti ale bo wa niŋ.

³ Basi ate ti miŋ Naawen. Basi ate ti kasim a yaali ayen ti miŋ wa. Ase wenbinni ale a jueli diila, wa za wa nyini kama. Wa ale jam ti jigi ase ŋoota wen ŋmotta la ale tɛŋsik ŋmotta ale a zaŋti tɛŋzuk de diila.>>

⁴ <<Ɛfraim, mi ale pai ni a nye ka boa? Juda, mi ale pai ni a nye ka boa? Ni yaalika a nye ase ka saluik pik ale maglim nyiem ale kpaanti diila.

⁵ Dila nyiŋ m pai ka m biisiteerɔma a gebi ni nna bunabuna, m pai ka m nɔnni wieŋa a ko. M buusaŋa a nyaksi ase ka bolim la ni zuk.

⁶ Diila mi a yaali ka jiirim, alege daa kaabka ale a yaali Wen miŋka a gaam juka tiirita.

⁷ Ase Adam la, ba kaasi nɔiyeŋka kama. Ba jam ka wensie ale mi dula jigini.

⁸ Gilead ka tɛŋ kpieŋ kaai ale ta gaasa nuruba, ate ziim a maŋ ba naŋsaŋa ale a tabi juijui la.

⁹ Ase zue ale suk doa jigi a limisi nuru diila, kaabteerɔma a nye ka dila. Ba zaani ka suiku po a ko nuruba a cheŋ Sikiim ale a nye chivie tuim kaasima.

¹⁰ Mi nya ka dii ale lɔrima Izirali yenni po. Ɛfraim a pai ka wadek a te taabugni ate Izirali a taŋ wadek.

¹¹ <