Yosea 5 - WEN GBAŊKA

¹ <

² Kpaliŋsa nyama a bo ka togrika po. M le dari ba meena tue.

³ Mi seba Ɛfraim ale ka dii meena la kama. Izirali an suk nyini mi jigi ya. Ɛfraim, yɔgyɔgla de fi cheem fidek a te ka taabugni Izirali a kaasi kama.

⁴ <

⁵ Izirali kanjantaŋa dek ale ta chaab ale ba. Izirali demma, poom ka Ɛfraim, a ja kama ba wabiokku po. Juda mɛ a ja ale ba.

⁶ Ase ba dan ta ba duŋsaŋa a cheŋ ayen ba gisi Naawen, ba kan nya wa. Wa yeeri ka wadek a nyini ba jigi.

⁷ Ba ka wensie ale Naawen ya. Ba ale biak bi sii la daa badek bisa. Ba Chiik Paalika tiŋŋa ale nɛ ba ale ba kaduksaŋa meena.

⁸ <

⁹ Namsika danni Ɛfraim ale doa koruk. Izirali buuni po ate mi a weeni diila ale za di nye.

¹⁰ Juda niŋdeerɔma a nye ase ka baai ale a yeeri bana tana la. M le kpiiri m suipuurumu a basi ba zuk ase nyiam ale mobi diila.

¹¹ Ɛfraim a nam kama, ate buusa a tabi va ba zuk a taam, ba ale a va bɔgta la nyiŋ.

¹² Mi a nye ase ka kpayari a te Ɛfraim ale a nye ase puaka la a te Juda nuruma.

¹³ <

¹⁴ Diila m le nye ase ka gbeŋli la a te Ɛfraim, abe m nye ase gbeŋ kpienni la a te Juda. M le dari ba a cheeri nna bunabuna abe m cheŋ. M le ji ba a basi ate waai a kan boro ayen wa tuesi ba.

¹⁵ Mi yaa le ŋman cheŋ m jigini ate ku paari diipo ate ba ale siak ba kaasuŋku la. Ate ba ale gisi mi ale ninmuna ba niniŋŋa po.