Yosea 13 - WEN GBAŊKA

¹ Ase Ɛfraim ale jam biisi la, nidoaba nyiŋsa ale jam a gɔk. Wa jam nya ka zak zaanika Izirali po. Alege wa jam nye ka foolaa Baal puusika nyiŋ a yaa kpi.

² Ba yaa jam a nye biem nna yegayega. Ba pai ka ba kpanaŋa a nye bɔgta a te badek, ŋan mɛɛnta ate ba pai sebika a nye, ka mɛɛrɔba tuima ale ti meena. Ba jam weeni nuruma de wari kama ayen, <>

³ Dila nyiŋ ba ale nye ase ka saluik pik la ale saluik maglim ale muriŋ a bɛ diila ale vɔtta ate viok a ji a ta nyini ŋanta fɔbika jigi a basi la ale nyuisa ale va tuokparuk a nyini diila.

⁴ Alege Mi ale Naawen fi Wen dii ale ta fu a nyini Ejipiti po la, kan ta Wen alege ta mi, be kan ta Varibasidɔ alege ta mi.

⁵ Mi jam nya ni zuk kama gɔnni po, tɛŋ kaai ate ka tuiluk a dɛ la po.

⁶ Ase mi ale jam te ba ŋandiinta la, ba jam chak kama. Ase ba ale jam chak la, kanjanta ale jam jo ba, ate ba jam baŋ mi.

⁷ Ate m le jam ba zuk ase gbeŋli la, m le suk a doa suiku po ase yɔŋni la.

⁸ Ase piuk ate ba vari ku ŋandiinta la, m le siti ba a lak ba a zaani nna jassi. M le nɛ ba ase gbeŋli la. Duŋ kaai ale waara la ale dari ba a ŋasi.

⁹ <

¹⁰ Ni naawa a bo ka be, ayen wa vari ni a basi? Ni niŋdeerɔma a bo ka be ni tɛŋsaŋa meena po? Ate ni jam weeni ayen,

¹¹ Ate m pai sui a te ni naab, ate m suipuurum nyiŋ m pai wa a nyini ni jigi.

¹² Ɛfraim foolaawa a doa kama, ate wa wabaataŋa a ŋmarisi doa.

¹³ Ase nipok ale a dom puuk diila di la dek a cheena wa jigi, alege wa ka biik kaai ale kan ta yammoa. Ase ku dan ga paari ayen wa nyini, wa kan siak a nyini luikku po a nyini.

¹⁴ <

¹⁵ wa a yiti kama wa suataŋa po. Naawen ale basi ate viok a nyini kori geŋsa a jam, a fuk a nyini gɔnni po ate wa bulika ale wa vinni a kpeeri. Ŋan baai ale bo duenika yenni po la ale di nitalimu meena la, ba ale kɔlim.

¹⁶ Samaria nuruma a magsi kama ayen ba siak ba kaasuŋku, dii nyiŋla ba nye kaasi ba Wenni kama. Gebik woŋka ale dueni ba tɛŋ. Ba le ko ba bisaŋa, ate ba ale mobi ba nipok puusaŋa.>>