Yosea 12 - WEN GBAŊKA

¹ Ɛfraim a dɛ ka vioku. Wa a vi ka kori geŋsa vioku danni meena ale te ate venta ale wɔkwɔk a kasim a piisi. Wa a nye nɔiyeŋ ale Assiria ale a tom kpaam a te Ejipiti.

² Naawen a ta ka wari a cheena Juda zuk. Wa ale namsi Jekob a magsi chaab ale wa suitaŋa abe wa ŋman tuni wa a magsi chaab ale wa tuimaŋa.

³ Wa mawa luikku po ate wa jam yik wa suoku naŋ kpai. Ase nuru la wa jam jɛ ale ka Wen.

⁴ Wa jam jɛ ale maarɔwa kama a nya nak dɛka wa zuk. Wa jam kum kama a saalim wa a yaali wa ŋmantiika. Wa jam ga nya wa ka Betel a biisi ale wa dula.

⁵ Naawen, Wen Dii Ale A Dɛ Tugurik Tɔŋdɔma Niŋ La, Naawen ale wa yuenni ate waai meena a seba!

⁶ Alege fi magsi kama ayen fi ŋman cheŋ fi Wenni jigi. Kasim ta yaalika ale nyemagsika abe fi kasim a limisi fi Wenni.

⁷ Geruŋdɔwa a ka wensie ŋanmagsinta. Wa a yaali ka dɛ gaamka.

⁸ Ɛfraim a kuulim kama ayen, <>

⁹ <

¹⁰ Mi weeni m biisiteerɔma kama ale te ba gɔdaasima yega ale va ŋa nyiŋ a weeni wamagsima.>>

¹¹ Gilead a ta ka gaasa? Ka nuruma a ka kiri ya! Ba a kaab ka lalisa Gilgal po? Ba kuŋkuŋtaŋa ale nye ase ka tain puula ale bo kaduk po diila.

¹² Jekob a jam chali cheŋ ka Araam tɛŋka. Izirali a jam tom kama a nya nipok a faari, wa jam a nya ka piisa zuk a tuni wa nyiŋ.

¹³ Naawen a jam pai ka biisiteerɔ a ta Izirali a nyini Ejipiti, wa jam va ka biisiteerɔ zuk a nya ba zuk.

¹⁴ Alege Ɛfraim a nye kama ate wa sui a puuri nna tuatuaga. Wa nuruma ko ka nyiŋ wa Nyɔnɔwa ale basi ate foolaa a bo wa zuk abe wa ŋman tuni wa, wa ale kan zuli wa la nyiŋ.