Yosea 11 - WEN GBAŊKA

¹ <

² Alege mi ale a wi Izirali a soa diila, dila dek ate ba cheŋ a yalima ale mi. Ba jam nye ka kaabka a te Baal bɔgtaŋa ale jam a ju ŋan baai nyum ale masa la a te ŋan mɛɛnta.

³ Ka mi ale jam a sak Ɛfraim chelim ale pai ba ale m nisa, alege ba an miŋ ya, be jam ka mi ale jam tebi ba.

⁴ Mi ale jam dɛ ba niŋ ale jiirim ale yaalika miik. Mi ale jam yeeri niiga diokku ba ŋieŋa zuk a ju ku a pai dik ŋandiinta a te ba.

⁵ Ba a kan ŋman cheŋ Ejipiti, Assiria a kan nya ba zuwa, ba ale zɛri ayen ba kan tagri la nyiŋŋa?

⁶ Gebisa ale lo ba tɛŋ kpieŋsaŋa po, a kaasi ba nansuiŋta chibsaŋa a ta ba ale a poli ayen ba nye diila a jam kpeglimka.

⁷ Mi nuruma a poli kama ayen ba basi mi. Ba dan poom wi Wen Dii Ale Bo Wenŋmazuk La, wa kan zak ba a zaani.

⁸ <<Ɛfraim, mi ale nye ka sɛ a pai ni a te? Izirali, mi ale nye ka sɛ a pai ni a te? Mi ale nye ka sɛ a nye ni ase Adma la? Mi ale nye ka sɛ a nye ni ase Zeboiim la? Mi suinummu a tagri kama m po. M jiirimu a yiti kama nna yegayega ni zuk.

⁹ M kan pai m suipuurumu a nyini peelimmoa yaase m kaasi Ɛfraim. Diila mi ka Wen, alege daa nuru biiga. M ka Waai Ale Welema La a bo ale ni. M kan jam ale suipuurummoa.

¹⁰ Ba ale va Naawen ŋaaŋ. Wa ale kaari ase gbeŋli la. Ase wa dan kaari, wa bisaŋa ale nyini yeniŋ geŋsa a jam ale nyiŋ gɔkka.

¹¹ Ba ale jam ate ba nyiŋsa a gɔk ase nuinsa ale nyini Ejipiti la ale nangbaŋsa ale nyini Assiria la. M le te ate ba bo ba yieŋa po.>> Ka Naawen ale weeni.

¹² Ɛfraim a gilim mi ale ka venta, ate Izirali yenni ale paasika. Juda a ta ka chaab ale Wen, wa poom ta ka chaab ale wensie nyɔnɔwa Waai Ale Welema La.