Yiila 99 - WEN GBAŊKA

¹ Naawen a dɛ naam, basi ate tɛŋsaŋa nyiŋsa a gɔg. Wa kala wa zukpaglik kpieŋka zuk ŋanvutaŋa suŋsuŋ, basi ate tɛŋka a choa.

² Naawen dii ale bo Zayon tɛŋka la zuak ya, wa nya zak zaanika tɛŋsaŋa meena zuk.

³ Basi ate ba pak fi yuei kpienni ale fi yuei naliŋka, wa ale welema.

⁴ Naawa a zuak ya, wa a yaali ka wensie wa basi ate wensie a boro. Fi nye dii ale ka wensie ale nala la kama Jekob po.

⁵ Ni zak Naawen tama Wenni yuei a zaani. Ni zuli wa, wa naam naŋtaata zukpaglika zuk, ale wa welema kama.

⁶ Moosis ale Aaron a jam maa bo ka wa kaabteerɔma po, Samuel a jam maa pilim ka baai ale a wi wa yuenni la po. Ba wi Naawen ate wa tulisi ba.

⁷ Wa kali chiŋmanni po a biisi ale ba, ba va wa sinsaŋŋa ale siak wa wieŋa ate wa te ba la.

⁸ Naawen, ti Wen yaa, fi tulisi ba. Fi jam chim ka vɔŋteka Wen a te Izirali, fi poom jam namsi ba kama ba nye kaasuŋku nyiŋ.

⁹ Ni zak Naawen tama Wenni a zaani abe ni puusi wa, wa tuilum guuku zuk, dii nyiŋla, Naawen, ti Wenni a welema kama.