Yiila 92 - WEN GBAŊKA

¹ Ku nala kama ate ti pak Naawen abe ti lenni yiila a seni Wen Dii Ale Bo Wenŋmazuk La yuenni,

² abe ti dan goa yiti saluik ti biisi fi ŋmanteka wie, abe ti dan doa yok ti a biisi fi wensieŋa wie mɛ.

³ Ku nala kama ayen ti pai baganiŋ kaai ale ta miisa pi la, ale kpanuŋ a leni yiila a seni fu.

⁴ Dii nyiŋla Naawen yaa, fi tom ka fi tuimaŋa ate ŋa peenti m sui. Fi nisa tuima nyiŋ mi ale lenni yiila ale suipeentik.

⁵ Naawen yaa, fi tuimaŋa a zuak ya, ate fi popolaŋa mɛ a yalima.

⁶ A ka popola nyama a zɛ, betaŋa mɛ a ka miŋka ayen,

⁷ ase nyeka tuem nyama ale a pusi ase wuuta la ate biem nyam a nya boka la, ba le kaasi kama taam wuu.

⁸ Alege fi Naawen a nya zak zaan ka taam wuu.

⁹ Naawen yaa, chichama a karo, fi za fi kaasi fi dachaasaŋa kama. Nuru baataŋa le waaŋ chaab.

¹⁰ Fi te mu ka pagrim ate m pagra ase goa lalik koluk nyiili la. Fi kpiiri ka kpa maŋ a tagli mu.

¹¹ M nimbie a nya m dachaasaŋa chala m tue a wom m dachaasaŋa naŋkima.

¹² Wayɔrisima nyam boka a nye ase ka kpinkparuk la, ba le chim ase ka nyunyoŋ la Lebanon po.

¹³ Naawen yenni po, ba le nya nyeboka tama Wenni dabiasaŋa po.

¹⁴ Si dan poom kpaŋ, si le diem a yɔn yɔna, si le pusi va paalita.

¹⁵ Ba yaa mooli ayen, Naawen a nala. Wa ka m piuŋ, wa ka gaasa.