Yiila 90 - WEN GBAŊKA

¹ M Nyɔnɔ, fi ale chim ti boka jigi gaŋsa po meena.

² Alege ate fi nye guutaŋa yaase fi nye tɛŋka ale tɛŋzuk meena la, fi ka Wen. Fi kasim boro kama fi be le kasim boro kama.

³ Fi tulim nuruba kama ate ba ŋman cheŋ tantaŋa po, a weeni ayen, <>

⁴ Bena tusidi a nye ase ka dai yeŋ ale taam la fi jigi, yaase yok geli la.

⁵ Fi vaari nuruba a basi kama ase nyiam ale mobi la, ate ba lo goom po, ba a nye ase ka saluik wuuk paaluk la.

⁶ Ku le yiti saluik a chim wuuk paaluk alege ta cheen junɔi ku jak a kpi.

⁷ Fi suipuurumu a kaasi ti kama ate yɔgsum a yik ti fi suipuurumu nyiŋ.

⁸ Fi basi kama ate ti wabaataŋa a bo fi niŋ, fi nya ti waba susuŋŋa kama.

⁹ Ti daaŋa meena a taam kama fi suipuurumu nyiŋ, ti nueri ti benaŋa kama ale kumsa.

¹⁰ Ti benaŋa meena tɛŋzuk de ka pisiyopɔi yaase pinaanuŋ, dila bi ka ti ni poom ta pagrim, alege ŋa woglimmu a kasim sueri ale ka daanika ale suipuuta, ŋa kan bola a ben ale paarika, ŋa taam ka na nwuli.

¹¹ Ka wana ale seba fi suipuurum pagrim ale soa diila? Fi suipuurum pagrimu a zuak ase ka ba le magsi ayen ba chali fu yɔgsum diila.

¹² Sak ti ate ti chiini ti daaŋa, ti dan chiini ŋa ti le ta yam.

¹³ Naawen yaa, pilim tulim, ku a yaa ku beni soa ka sɛ? Ta jiirim ale fi tomteerɔma.

¹⁴ Basi ate ti chak saluiku ale fi ŋmanteka, ate ti yaa lenni yiila ale suipeentik ti daaŋa meena po a te fu.

¹⁵ Basi ate ti nya masim a magsi chaab ale da ŋaai ate fi namsi te la, Ale da ŋaai ate ti nya biem la.

¹⁶ Pa fi nyeelaŋa a sak fi tomteerɔma. Pa fi nalimu a sak ba bisaŋa.

¹⁷ M Nyɔnɔ ti Wen yaa bi sak fi jiirimu ale ti niak ti nisima tuima, niak ti nisima tuima a te ti.