Yiila 77 - WEN GBAŊKA

¹ M kaari a wi Wen a yaali maarika, m kaari a wi Wen a ayen wa wom mu.

² M le bo ninam po la, m gisi Nyɔnɔwa yokku po, m zak nisa a tuk wen a puusi Naawen a kan jiagi, ate m chiika mɛ a zɛri masim dɛka.

³ M teeri fi wie Wen yaa, ate ku daani mu m ŋuuni ate m chiika a cha.

⁴ Fi an basi ate m mum nummoa, m ninammu a zuak ka yega ate mi an baga a lak nɔi a biisi.

⁵ M poli dipo wie, m poli ben ŋaai ale taam la wie.

⁶ M teeri m yi ŋaai ate m jam a lenni yokku la wie, ate ku daani mu ate m ŋuuni m suinummu po ate m chiika a yaa bek beka ayen,

⁷ <

⁸ Wa ŋmanteka a deri kpeglim kama dila taam wuu? Wa pumpuulimaŋa a deri nueri kama dila taam wuu?

⁹ Wen a deri baŋ jiirim taka kama? Naawen suinni ale a puuri la nyiŋ, wa an ŋma a nya nuruba niniga?>>

¹⁰ Ate mi yaa weeni ayen, <>

¹¹ M le teeri Naawen tuimaŋa ate wa tom la. Mm, mi le teeri fi wakinkaglaŋa ate fi jam a tom dipo la.

¹² M le kasim a poli fi tuimaŋa wie, m kan maa baŋ fi pagrimu tuimaŋa ate fi jam a tom la.

¹³ Wen yaa fi suitaŋa, a welema kama. Ka wen boa ale ŋman boro a zuak gaam Wen yaa?

¹⁴ Fi ale Wen dii ale a tom wakinkagla la, fi a sak fi pagrimu nuruba tɔgatɔga niŋ.

¹⁵ Fi pai fi pagrimu a da tuesi fi nuruma a basi, fi da tuesi Jekob ale Josefi ŋaaŋbisaŋa a basi.

¹⁶ Wen yaa, nyaataŋa a nya fu. Ti nya fu ate yɔgsum a yik ti. Nya liuŋtaŋa a choa ale yɔgsum.

¹⁷ Chiŋmaaŋa a ni ŋa nyiamu ate wenni a na nanpansa, fi peemaŋa ate fi a tɔŋ la a cheŋ ka niŋ ale ŋaaŋ.

¹⁸ Nuruba wom fi naka vamuniŋka po, fi basi ate wenni a nyaksi tɛŋka meena. Tɛŋka a choa.

¹⁹ Fi cheŋ nyakpiemu po, fi dueni suik nyakpientaŋa po, fi cheŋ va bu po a taam kama alege waai an nya fi naŋtaataŋa.

²⁰ Fi dɛ fi nuruma niŋ ase ba ka piisa la, fi basi ate Moosis ale Aaron a kasi ba.