Yiila 75 - WEN GBAŊKA

¹ Wen yaa, ta te fi jiam. Ta te fi jiam dii nyiŋla fi Yuenni a moata kama. Nuruba a weeni fi wakinkaglaŋa wie.

² Fi weeni kama ayen, <

³ Ase tɛŋka ale ka nuruma a dan kpiŋsi, ka mi ale a yik ka zaŋŋa a tara nna giŋgiŋ.

⁴ Mi le weeni kanjanta nyɔnɔwa ayen wa kan ŋman kuulim ale a weeni gaasa nyɔnɔwa ayen wa kan zak wa nyiilaŋa a zaani.

⁵ Kan zak fi nyiilaŋa a tuk wenŋmazuwa. Kan biisi a yeeri ŋiri ya.

⁶ Waai karo a nyini konni po yaase yeniŋka po yaase sagni po a baga a zak nuru a zaani.

⁷ Alege ka Wen ale a bɔ buusa. Wala ale a basi ate waai a siŋ tɛŋ, wala abe le ŋman zak waai a zaani.

⁸ Naawen a ta ka beerik wa nisima po a sueri ale dapuuk ate bu dam chaab ale ŋanti baai nyum ale masa la. Wa kpiiri bu a basi kama, ate gaasa nyama meena ale bo tɛŋka zuk la a yaa tuk bu a nyu ale bu zunzunaŋa meena.

⁹ Alege dan ka mi, m le kasim a weeni ka wanni de taam wuu. M le lenni pimpauk yiila a seni Jekob Wenni.

¹⁰ M le che gaasa nyama nyiilaŋa meena a basi, alege m le zak wayɔrisima nyama nyiilaŋa a zaani ŋmai.