Yiila 67 - WEN GBAŊKA

¹ Wen abe ta jiirim ale ti abe wa niak ti, abe wa nye ate wa nimbidiaka a nyaksi ti zuk,

² ate nuruba ale miŋ fi suitaŋa tɛŋka zuk, abe tɛŋ kpieŋsa mɛ ale seba fi varibasika wieŋa.

³ Wen yaa, nuruma abe sum a pak fu. Nuruba meena abe te ate pimpauk a paari fu.

⁴ Tɛŋ kpieŋsaŋa abe ta popeentik abe ba yi yiila ale masim, dii nyiŋla fi ta ka wensie a nya nuruma zuk ale a gani tɛŋ kpieŋsaŋa ale bo tɛŋka zuk la.

⁵ Wen yaa, nuruma abe sum a pak fu. Nuruba meena abe te ate pimpauk a paari fu.

⁶ Ate tɛŋka a yaa zaani ŋandiinta ate ti che, ate Wen, tama Wenni yaa le niak ti.

⁷ Wen le niak ti, ate waai meena ale bo tɛŋka zuk la a ni chali wa.