Yiila 6 - WEN GBAŊKA

¹ Naawen yaa, kan toariŋ mu ale fi suikaasuŋku yaase fi waali mu ale fi suipuurumu.

² Ta jiirim ale mu, Naawen yaa, dii nyiŋla m jiak kama. Naawen yaa, tebi mu diila m kobaŋa a dom kama.

³ Ku a daani m suinummu kama. Ku le beni a soa ka sɛ, Naawen yaa alege ate fi yaa maari mi?

⁴ Naawen yaa, cheem a vari mu a basi. Vari mu a basi fi ŋmanteka nyiŋ.

⁵ Nuru waai a dan kpi wa kan teeri fi wariya. Ka wana ale a pak fu kpiluŋ tɛŋ ka po?

⁶ M yaa jiak kama ale ŋusika, yokku meena mi a yɔk m gaduokku kama ale ninyaata. M dafieluku mɛ a yɔk ale ninyaata.

⁷ Dachaasaŋa a basi kama ate m kum ate m ninaŋa a ji ate mi an ŋman baga a nya.

⁸ Nama baai ale a nye biem la, ni cheŋ niŋ abe ni ge mi, diila Naawen a wom mi kumsa kama.

⁹ Naawen a wom mi ale kum a yaali jiirim la kama. Naawen a siak tuesi m puusaŋa kama.

¹⁰ Mi dachaasaŋa meena chivie ale yik ba ate ku cha ba. Ba le ŋmani ŋaai ale chivie diirima.