Yiila 54 - WEN GBAŊKA

¹ Fi yuenni nyiŋ, Wen yaa vari mu a basi, pai fi pagrimu a tuesi mu a basi.

² Wen wom m puusa, wom wieŋa ale nyini m nɔnni po a nyini la.

³ Nicham ale cheena ayen ba ta chaab ale mu, nuru baata ale kisi m nyuvunni ale baai ale kan a chali Wen la, ale a yaali ayen ba ko mu.

⁴ Alege Wen ka m maarɔ, ka Nyɔnɔwa ale a maari mu.

⁵ Basi ate biem a viriŋ a ji baai ale velim a te mu la. Fi wensieŋa nyiŋ kaasi ba.

⁶ M le ta m dek mariŋka tiirim a jam nye kaabka a te fu, Naawen yaa, m le pak Fi yuenni dii nyiŋla di nala kama.

⁷ Wa vari mu m daanika po a basi, ale ŋman basi ate midek nina a nya m dachaasaŋa ate fi nak ba ate ba chali waaŋ chaab la.