Yiila 52 - WEN GBAŊKA

¹ Ka boa ate fi a kuulim biem nyiŋŋa, nuru kpioŋŋoa? Ka boan nyiŋ ate fi a kasim a kuulim danni meena po? Wen ŋmanteka a kasim boro kama danni meena.

² Fi giŋgeluŋku a ta ka yik kaasika. Ku a dɛ ka nna polipoli ase poniŋ la. Fi a tom ka pimpaasima tuima.

³ Fi a yaali ka biem a gaam nalim. Fi a yaali venta a gaam wensie kama.

⁴ Velimvendiga, fi a yaali ka wie ŋaai ale ta daanika a jam la.

⁵ Chekki, Wen ale lɔnsi fu tɛŋ, ate fi kan ŋman yiti ŋmai ya. Wa le laari chiak a yik fu cheeri a nyini fi viuku po. Wa le voori fu a ta nyini ŋanvutaŋa tɛŋka po.

⁶ Wayɔrisima nyama ale nya abe ba chali yɔgsum, ba le la wa a weeni ayen,

⁷ <

⁸ Alege mi a nye ase ka tiib maŋ ale a chim Wen yenni po la. M ta sebchakka ale Wen ŋmanteka kama taam wuu.

⁹ Mi le pak Fu taam wuu dii ate fi nye la nyiŋ. M le ta yiila Fi yuenni nyiŋ, dii nyiŋla Fi yuenni a nala kama. M le pak fu Fi nuruma niŋ.