Yiila 47 - WEN GBAŊKA

¹ Nuru meena a nak nichaala ale masim a pak Wen. Nuru meena a nuem popeentik nuemka a pak Wen.

² Naawen Dii Ale Bo Wenŋmazuk La ale magsi ayen waai meena a chali yɔgsum ale wa. Wa ka Naab kpioŋ a soa tɛŋka a nya ka zuk!

³ Wa te ti pagrim ate ti nak yik tɛŋsa. Wa pai ti dachaasa a dueni ti naŋta po ate ti tabi ba zuk a taamu.

⁴ Wa lueri ti nitalimu a te ti, Jekob kanjantaŋa, waai ate wa a yaali la.

⁵ Wen ale a jueli la yilendɔba ale a nuem ale suipeentik, Naawen ale a jueli la ba a peeri damunsa.

⁶ Ni lenni pimpauk yiila a seni Wen, ni lenni pimpauk yiila. Ni lenni pimpauk yiila a seni ti Naawa.

⁷ Ale ka Wen ale chim tɛŋka meena Naab, ni lenni yiila a pak wa.

⁸ Wen a kala ka wa naam tuilum zukpaglika zuk a chim naab tɛŋsaŋa meena zuk.

⁹ Tɛŋsaŋa kpaŋŋa tigsi ka chaab ase Abrayam Wenni nuruba la. Ka Wen ale soa tɛŋzuk de nalimaŋa, ba te wa zuli kpiema.