Yiila 46 - WEN GBAŊKA

¹ Wen ka tama ligrɔ ale ti pagrɔ, a maari ti diipo meena.

² Dila nyiŋla, tɛŋka a dan poom choa, ti kan chali yɔgsummoa, ase guutaŋa a nin poom lɔ nyiam liuŋku po.

³ Nyiam kpientaŋa a dan poom a wuuri ale a fɔbi nanpansa ale suipuurum, ti kan chali yɔgsummoa.

⁴ Beli ale boro a te Wen tɛŋka popeentik, Wen Dii Ale Bo Wenŋmazuk La bo weleŋka jigini ate benni a boro.

⁵ Wen ale bo tɛŋ kala po, nuru abe karo a kaasi ka. Wen ale maari ka ase vari a nin veenti.

⁶ Tɛŋsa kpaziita a nak, naata a lɔ. Wa lak wa lueluku ate tɛŋka a nyaliŋ.

⁷ Naawen Dii Ale A Dɛ Tugurik Tɔŋdɔma Niŋ La a bo ale ti, Jekob Wenni ka ti sukka jigi.

⁸ Ni jam nya Naawen ale tom diila, tuim kaasuŋ kuui ate wa tom tɛŋka zuk la.

⁹ Wa kpimsi kpaliŋsa tɛŋka meena po, wa yik tommu ale gbaluku a wɛ gela ŋaye. Gbain ŋaai ate ba ta a chɔgsi peemaŋa la wa ju basi ya.

¹⁰ <>

¹¹ Naawen Dii Ale A Dɛ Tugurik Tɔŋdɔma Niŋ La a bo ale ti, Jekob Wenni ka ti sukka jigi.