Yiila 43 - WEN GBAŊKA

¹ Wen biisi te mu, abe fi kpaliŋ kpaliŋka ale wabaata nyama a te mu. Vari mu pimpaasima ale nuru baata nyama nisima po a basi.

² Fi ka Wen dii ale chim m pagrɔ. Ka boan nyiŋ ate fi zɛri mu? Ka boan nyiŋ ate mi a kasim a nyiem ale ninyiam ate m dachaasaŋa mɛ a kasim a fɛ mu?

³ Basi ate fi bolimu ale fi wensieŋa a kasi mu. Basi ate ba ta mu a jam fi tuilum guuku zuk, juijui ate fi yenni a boro la.

⁴ M yaa le cheŋ Wen kuŋkuŋku jigini, mi le cheŋ Wen jigi ale popeentik. Wen, m Wen yaa mi le pak fu ale kpanuŋ.

⁵ Ka boan nyiŋ ate fi sui a kaasi, m chiiga? Ka boan nyiŋ ate mi ta ninjaga? Pa fi yiila a nyo Wen po, mi ale diem pak wa, Varibasidɔ ale m Wen.