Yiila 42 - WEN GBAŊKA

¹ Ase nyanyuila ale ta kab ate bu tuinti a yaali nyiam diila, mi mɛ gisi a yaali fu ka dila, Wen yaa.

² Wen dii ale vua la kɔrisa ale ta mu. Ka dimpo ate m le zaani fi niŋŋa?

³ Yɔk ale kantueŋ meena, ninyiam ale chim mi ŋandiinta, alege m dachaasaŋa a yaa kasim a bek mu ayen, <>

⁴ M suinum a kaasi kama ase m nin teeri ku le jam ka diila. Mi nyiem jam maa gum ka nuru boari po baai ale a puusi Wen la, a dɛ ba niŋ a ta ba a cheŋ Wen yenni po a lenni popeentik yiila a te Naawen jiam, ku jam ka popeentik tigi.

⁵ Ka boan nyiŋ ate fi sui a kaasi, m chiiga? Ka boan nyiŋ ate mi ta ninjaga? Pa fi yiila a nyo Wen po, mi le diem pak wa, m Varibasidɔ ale

⁶ m Wen. M chiika a dɛ niniga m po, dila nyiŋla a nyini Jodan tɛŋka m teeri fi wie, mi le zaani Yermon guuk woŋtaŋa, ale Mizar Guuku zuk a teeri fi wie.

⁷ Mi wom nyiamu ale kasim a wuuri ase bu nyamiika ale va m zuk a taam la.

⁸ Kantueŋka po Naawen a kpiiri wa ŋmanteka a basi m zuk, ate yok buuri meena, mi lenni yiila a puusi a te Wen dii ale a te mu vum la.

⁹ M yaa weeni Wen m Piuŋku ayen, <

¹⁰ M kobaŋa a dom ase m dachaasaŋa ale nye mu a la, ale a weeni ayen, <>

¹¹ Ka boan nyiŋ ate fi sui a kaasi, m chiiga? Ka boan nyiŋ ate mi ta ninjaga? Pa fi yiila a nyo Wen po, mi le diem pak wa, m Varibasidɔ ale m Wen.