Yiila 41 - WEN GBAŊKA

¹ Suipeentik a bo le waai ale ta jiirim ale ŋanjaksa la. Naawen a yeeri ba wadaanima po.

² Naawen ale lik ba a tara abe wa te ba vum. Wa te ba paaruŋ ale ŋman vari ba ba dachaasaŋa nisima po a basi.

³ Naawen ale maari wa wa nyiŋtuilaŋa po wa gaduokku zuk, wa le tebi wa yuammu wa gaduokku zuk.

⁴ Mi a weeni ayen, <>

⁵ Mi dachaasaŋa a biisi ka biem a te mu, ayen, <>

⁶ Waai dan jam ayen wa nya mu wa a biisi ka venta, ale a poli popola baata wa suinum po. Wa yaa dan nyini peelim wa mooli te jigi meena.

⁷ Baai ale kisi mu la, a waasi ka wie a te mu. Ba poli ka biem a te mu, ba weeni ayen,

⁸ <>

⁹ M doa mabiik kaai ate mi le wa chiisa a jo chaab, ate m ta sebchakka ale wa la, waai ate mi ale wa a dɛ chinmoan yeŋ po la, a nyini mi ŋaaŋ ŋmani kama.

¹⁰ Alege Naawen yaa, ta jiirim ale mu. Te mu nyiŋyɔgsa ate m tuni dachaasaŋa wanyi wanyi.

¹¹ M seba ayen fi sui a yɔk ale mu kama dii nyiŋla fi an basi ate m dachaasaŋa naŋ m zuwa.

¹² Fi vari m nyuvunni a te mu dii nyiŋla m ka daŋta, fi yaa bi dari mu kama a ta paari fi tɛŋ diipo meena wuu.

¹³ Pimpauk abe bo Naawen, Izirali Wenni jigi, waai ale boro ta nyini benaŋa ŋaai ale taam la a cheŋ wuu. Ku abe nye dila.