Yiila 4 - WEN GBAŊKA

¹ Tulisi mu ase m nin wi fu, m dek wayɔrisima Wen yaa. Te mu vuusum a nyini m daanika po, ta jiirim ale mu abe fi wom m puusa.

² Nuruba, nama ale tulim mi zulaŋa ate ŋa chim chivie a paari ka dimpo? Nama ale yaali pimpaasima abe ni gisi venta bɔgta a paari ka dimpo?

³ Ni seba ayen Naawen a gaari baai ale a yaali wa la a te ka wadek. M dan wi Naawen wa le wom mu.

⁴ Fi suipuurum po kan tom kaasi. Ni dan dua ni gaduata zuk, ni kpesi ni suiniimaŋa abe ni nye diki.

⁵ Ni pai kaab maŋsa a te Naawen abe ni ta sebchakka ale wa.

⁶ Yega a bek kama ayen, <> Basi ate fi nimbidiaka bolimu a nyaksi ti zuk, Naawen yaa.

⁷ Fi basi kama ate masim a sueri m suinummu a gaam ba le nya ŋandiinta ale daam a zuak diila.

⁸ Mi ale duak a goa ale suiyɔgni, diila fi nyiini, Naawen yaa, ale basi ate mi a boro ate wari a kan daani mu.