Yiila 35 - WEN GBAŊKA

¹ Naawen yaa, be tu chaab ale baai ale a yaali ayen ba tɔŋ tugurik ale mu la. Kpaliŋ ale baai ale a kpaliŋ ale mu la.

² Pa fi kpaliŋ kɔlimaŋa a jam maari mu.

³ Zak fi kpaani ale fi gbaluku a vi baai ale a vi mu la, weeni m chiika ayen, <>

⁴ Basi ate baai ale potim m nyiŋla nya chivie. Basi ate baai ale a gisi m kaasuŋ la a pilim kuli ale sui kaasuŋ.

⁵ Basi ate ba nye ase vɔtta ate viok a ji diila, basi ate Naawen maarɔba a yiak ba a basi.

⁶ Basi ate ba suiku a chim legi abe ku a sati, abe Naawen maarɔba mɛ a vi ba ate ba chali.

⁷ Ba pai ka baruk a bari mu kinla nyiŋ, ale tu goluk ayen ba yik mu,

⁸ ba biem popolaŋa abe tu chaab ale badek. Ba baruku abe yik ba dak, abe ba lɔ badek golukku po.

⁹ Ate m chiika a yaa naŋ Naawen niŋ abe m ta popeentik wa varibasika nyiŋ.

¹⁰ M nyiŋka meena ale weeni ayen, <>

¹¹ Velimvendisa a jam a bek mu wie ate m zɛ ŋa nɔi po,

¹² ba pai ka biem a tuni wamaŋsa ate m nye te ba la ale basi ate m jɔ chivie po.

¹³ Alege ba ale a yuak la, m jɔ ka boorisa gatta a zaab m dek ale zɛri ŋandiinta. Ate m puusaŋa a ŋman tulim a jam m dek jigi, fi an tulisi mu,

¹⁴ m kasim nyiem a cheŋ kama a kum ase m jɔk ka m doa yaase m suok la. M pai zuk su tɛŋ a kum ase m ka ma la.

¹⁵ Alege mi ale jam bo daanika po la, ba sue jam peenti kama. Ba yaa tigsi a ta chaab ale mu alege m zɛ ku nɔi po. Ba kasim biisi a velim a te mu.

¹⁶ Ba kisi mu ase baai ale kan seba Naawen la. Ba a ŋɔbi nyina a ta chaab ale mu.

¹⁷ Nyɔnɔwa, fi a yaali ayen fi kala a nya ate ku beni ka sɛ? Vari mu ba tuemu dɛka po a basi, vari m nyuvuri maŋka gbeŋmaŋa nisima po.

¹⁸ Mi le te fi jiam tigsuŋ kpioŋku niŋ, mi le pak fu nuru boanni niŋ.

¹⁹ Kan basi ate m dachaasaŋa a naŋ alege mi an kaasi daa ba tuini. Kan basi ate baai ale kisi mu la a na nina m zuwa.

²⁰ Ba maa ka suiyɔgni biiga, alege ka venta nyiini ate ba velim a te baai ale nye chim tɛŋka po la.

²¹ Ba velim a te mu a weeni ayen, <>

²² Naawen yaa, fi nya nyakude kama. Be kan sina. Nyɔnɔ, kan yalima ale mu.

²³ Vaari yiti a kpaliŋ a te mu, Nyɔnɔ m Wen tu chaab ale ba a te mu.

²⁴ Bɔ te mu fi wayɔrisimaŋa po, Naawen yaa. M dek Wen yaa kan te ba suik ate ba na nina m zuwa.

²⁵ Kan te ba poli ayen, <> Yaase ba weeni ayen, <>

²⁶ Basi ate baai meena ale a naŋ m ninammu nyiŋla tu chaab ale chivie abe ba chim ŋantuinsa. Basi ate baai meena ale a nak kuusiri m zuk la a jo chivie po.

²⁷ Baai ale a yaali mi Varibasika la, a naŋ abe ba sue a peenti. Ba kasim a weeni ayen, <>

²⁸ M le lak m nɔnni a biisi fi wayɔrisimaŋa wie abe m biisi fi pimpaukku danni meena.