Yiila 30 - WEN GBAŊKA

¹ M le pak Naawen, ale ka fi ale vari mu kum po a basi, fi abe an basi ate m dachaasaŋa a la mu.

² Naawen, m dek Wen yaa, m wi fu a yaali maarika ate fi a tebi mu.

³ Naawen yaa, fi dari mu vɔrumu po a yeeri. Fi an basi ate m lɔ golukku po.

⁴ Nama wen nuruma, ni lenni yiila a pak Naawen tuilum yuenni.

⁵ Wa sui a kan puuri a ga niŋŋa alege wa nin baasimaŋa boro ka dila taam wuu. Kumsa a baga a boro yok kama alege popeentik ale jam boro saluik.

⁶ M yaa le za zaana dek jigi la, m yaa weeni ayen, <>

⁷ Naawen yaa, ase fi le ta jiirim ale mu la, fi lik mu a ta kama ate m kan choa ase guuk ale kan a choa diila. Alege fi le kan ŋman a nya mu la, m jɔk nyiŋbiiri kama.

⁸ Naawen yaa, ka fi ate mi a wi, ka fi Nyɔnɔ ate m kum a te ayen fi ta jiirim ale mu,

⁹ <

¹⁰ Naawen yaa, be wom abe fi ta jiirim ale mu. Naawen yaa, be chim m maamaarɔ.>>

¹¹ Fi tagri m kumsaŋa ate si chim gɔgta. Fi yeeri sui kaasuŋ m po a basi ale gilim mu ale popeentik,

¹² ayen m pai m suinum a lenni yiila a te fu abe m kan sinla. Naawen m dek Wen yaa, m le te fi jiam taam wuu.