Yiila 3 - WEN GBAŊKA

¹ Naawen yaa, nya dachaasaŋa ale piisi diiya! Ba piisi kama a yiti a ta chaab ale mu.

² Yega a weeni mi wari kama ayen, <>

³ Alege fi ka jachɔgsim a gilim mu, Naawen yaa. Fi basi kama ate zula a jam m zuk ale zak mu a zaani.

⁴ Mi kaari kama ate ku jueli a wi Naawen, ate wa tulisi mu a nyini wa tuilum guuku zuk.

⁵ M duak kama a goa ale ŋman yiti, dii nyiŋla Naawen ale ta mu.

⁶ Mi kan chali tusa piisa ale nyini ta chaab ale mi kauk meena la.

⁷ Yiti, Naawen yaa! Vari mu a basi, m dek Wen yaa! Fɔbi m dachaasaŋa meena tapaasa, nak gaasa nyama nyinaŋa a voori.

⁸ Varibasika a nyini ka Naawen jigi. Fi niauŋku abe bo fi nuruma zuk!