Yiila 29 - WEN GBAŊKA

¹ Nama baai ate Naawen a nye wenŋmazukku la, ni te Naawen zula ale pagrim.

² Ni pai zula ŋaai ate wa soa la a te wa yuenni. Ni zuli Naawen wa weleŋsaŋa nalimu po.

³ Naawen lueluku a bo nyakpientaŋa zuk kama ate ba a wom, Wen zulaŋa a na ka nanpansa. Naawen a na ka nanpansa nyaataŋa zuk.

⁴ Naawen lueluku a pagra. Naawen lueluku a zuak kama.

⁵ Naawen lueluku a ŋaari ka nyunyoŋta a lɔnsi. Naawen a ŋaari Lebanon nyunyoŋta a lɔnsi nna bunabuna.

⁶ Wa basi ate Lebanon a yɔk a zi ase naabiik la. Wa basi ate Sirion a yɔk a zi ase gɔi lalik paalik la.

⁷ Naawen lueluku a na ase ka ŋmoruk ale nyaksi a kum diila.

⁸ Naawen lueluku a nye ate tɛŋ kosikka a choa. Naawen choa Kades tɛŋ kosikka.

⁹ Naawen lueluku a basi ate tiib kpieŋsa a goalim ale lati si pagtaŋa. Waai meena a yaa kaari wa yeri po a weeni ayen, <>

¹⁰ Naawen ale kala a chim nyaataŋa naab. Naawen ale Naab diipo meena wuu.

¹¹ Naawen ale a te wa nuruma pagrim. Naawen a niak wa nuruma ale ka suiyɔgni.