Yiila 23 - WEN GBAŊKA

¹ Naawen ka naapeerik a nya m zuk. M kan silim jaaboa.

² Wa ta mu cheŋ a paari wuyɔgsuk jigi, ale ta mu mɛ a cheŋ ate mi a nyu nyamaŋ.

³ Wa a te mu pagrim paalib. Wa yuenni nyiŋ, wa ta mu a va wayɔrisima suita wa yuenni nyiŋ.

⁴ M dan poom a cheŋ legi po, m kan chali yɔgsummoa, dii nyiŋla fi bo ale mu kama. Fi doani ale fi dachekka a lik mu kama wapagra meena po.

⁵ Wa a vari mu nyenyaka po, ale ninam po ale m dachaasa nisima po a basi. Wa tuesi mu a kpiiri kpaam m zuk po ale basi ate m dɛ a chak.

⁶ M be seba chak kama ayen wa nalimu, ale wa ŋmanteka ale bo ale mu m boka meena po. M be le kasim bo Naawen yenni po diipo meena.