Yiila 20 - WEN GBAŊKA

¹ Naawen abe tulisi fu ase fi nin bo daanika po. Jekob Wenni yuenni abe lik fu tanla.

² Wa be tom maarika wa boka jigini a te fu. Wa be te fu maari kaai ale nyini Zayon Guuku zuk la.

³ Wa be teeri fi tiirimu ate fi pai a te wa la. Wa sui abe peenti ale fi kaabka.

⁴ Wa be te fu fi suinum ale a yaali diila, wa be niak fi popolaŋa meena.

⁵ Ti le nuem ale popeentik ase fi nin nya nakdeka, abe ti zak Wen yuenni a zaani. Naawen abe te fu dii meena ate fi bek wa la.

⁶ M yaa seba yɔgyɔgla de ayen ka Naawen ale vari wa le lueri naab waai la a basi. Wa kali ka wenŋmazukku a tulisi wa, wa vari wa a basi ale wa juga nisii ale pagra la.

⁷ Nuruba gela a kuulim ka ba wusuma ale ŋa torokoba nyiŋ, alege tama pai ti yiila a dueni ka Naawen ti Wenni zuk.

⁸ Ba saari lɔ alege tama vaari yiti a za ka nna giŋgiŋ.

⁹ Naawen yaa, vari Naawa a basi! Ti dan wi fu, tulisi ti!