Yiila 16 - WEN GBAŊKA

¹ Yik mu ŋmapi, m dek Wen yaa, ale ka fi ale a lik mu.

² Mi weeni Naawen kama ayen, <>

³ Naawen nuruma ale bo tɛŋka po la, ka bala ale nuruba dek ate mi a mariŋ.

⁴ Baai ale chali a vi wen yona la suipuurumu ale zuak. Mi kan maa pai ba ziimu a kpiiri a nye kaabka yaase m maa wi ba wenaŋa yue.

⁵ Naawen yaa, ka fi nyiini ate mi tara. Fi be a te mu dii meena ate mi a yaali la kama. M chum po meena a bo ka fi nisima po.

⁶ Fi tiiritaŋa ka nna kperikperik a te mi. Ti nala ka nna yegayega.

⁷ Mi a pak Naawen dii nyiŋla, wa le a sak mu, dan poom ka yok m suinummu a sak mu kama.

⁸ Mi basi kama ate Naawen a dɛ mi niŋ. Wa le bo mi juga geŋ la nyiŋ, wari a kan nye mu.

⁹ Dii nyiŋ la, fi kan zɛri mu a basi ate m cheŋ kpiluŋŋoa, yaase fi basi ate fi weleŋsa nuruwa a poak vɔrumu po,

¹⁰ dii nyiŋla fi kan basi mu ate m wari kpiluŋ tɛŋ ka po, yaase fi Weleŋsa Nyɔnɔwa a poagi.

¹¹ Fi basi ate m seba nyuvuri suiku kama. Fi le bo le mu la a basi kama ate m ta suipeentik, alege ate nyuvuri dii ale kan ta kpeglimka la masim a bo fi juga nisa po.