Yiila 15 - WEN GBAŊKA

¹ Naawen yaa, ka wana ale wa bo fi yenni po? Ka wana ale wa bo fi tuilum guuku zuwa?

² Ka waai ale a cheŋ weleŋsa po a ka wari kaasuŋ la ale a nye dii ale nala la. Waai ale a biisi wensie a nyini wa suinum po la,

³ alege ate nuruba wie biisi kaasika a ka wa nɔi po la. Wa kan kaasi wa vaanchoa yuei ya, ale kan biisi a lɛ wa vaanchoa.

⁴ Waai ale a zɛri gaasa nyɔnɔ alege a zuli baai ale a chali Naawen yɔgsum la. Waai ale chiib ta pumpuulima ase ku nin poom jam toa te wa.

⁵ Waai ale pai wa ligra a peem a te ale kan yaali viila, wa be kan basi ate waai a da wa, ale a daani waai ale kan seba wari nɔi po la. Waai ale a nye wieŋa de la, wari a kan choa wa.